Lian Orluli-17-06-2022- Vise Primeira Ministra no Ministra Solidariedade Sosiál no Inkluzaun, Armanda Berta Dos Santos, hamutuk ho Ministra Saude, Odete Freitas no Vise-MSSI, Signi Verdial halo lansamentu dahuluk ba programa Bolsa da Mae-jerasaun foun ba faze dahuluk iha Sentro Saude komunitaria Munisipio Ainaro.
Vise Primeira Ministra, Ministra Solidariedade Sosial no inkluzun, Armanda Berta do Santos, hatete lansamentu bolsa da mae ba jerasaun foun foka liu ba inan Isin-rua no labarik sira ho tinan 0-3 bele hahu ba rejista iha postu saúde hirak ne’ebe besik, no programa ne’e ninia objetivu atu hamenus probreja inklui ajuda inan-isin rua sira hodi hamenus mal nutrisaun iha Timor Leste.
“Atividades lansamentu ba programa bolsa da mae-jerasaun foun iha Munisipio Ainaro ida ne’e, atu hamenus mal nutrisaun, pobreja no kiak iha ita nia rai laran, no mos redus rais badak ba labarik sira ne’ebe moris ho kroniko, e nune’e mos halo lansamentu ida ne’e atu bele asegura mos ba labarik ne’ebe mal nutrisaun hahu husi tinan 0-6, se waihira labarik nebe’e maka moris ho kondisaun defisiénsia sei aumenta ba $.10 kada fulan.” katak Armanda Berta dos Santos.
Iha sorlin seluk, Ministra Saúde (MS), Odete Maria Freitas Belo, reforsa Ministéru saúde sei koopera servisu másimu ho MSSI li-liu liga ho programa bolsa da mae jerasaun foun ne’ebe ministra saúde halao ona akordu ho MSSI.
“ Ministru Saúde iha akordu konjunta ida ho MSSI, tanba ne’e bainhira iha ona akordu Ministra Saúde tenke hala’o kooperasaun servisu ne’ebe di’ak hodi nune’e bele halo susesu ba programa bolsa da mae jerasaun foun ne’ebe ohin hala’o ona lansamentu” Hatutan ministra saúda
Entertantu atividades lansamentu ba programa bolsa da mae jerasaun foun la’os hala’o deit iha munisipiu Ainaro, maibe tuir planu MSSI sei hala’o mos iha munisipio rua hanesan RAEOA ho Bobonaro .
Editor: Lian Orluli
