Lian orluli-03-08-2022- Diretóra Eskola Sekundária Jerál Fernando Lasama de Araújo Ana Maria Pereira, vizita ilas João Paolo II, marka Istoria foun tamba ne’e Sei prense Ho aktividade sertame ho lingua tetun no portugues no kompetisaun Animasaun kanta, durante loron 8.
“Ha’u senti kontente atu hateten katak ilas João Paolo wainhira sei moris nia sei naran Carol, nia mai vizita Timor-Leste ha’u mós partisipa iha ne’ebá hanesan koru iha dia 10 Outobru 1989, ha’u kontante tebes wainhira ami nia eskola ida ne’e hetan vizita ilas João Paolo Segundu, ha’u hanoin fila-fali ba tinan kotuk ne’ebé akontese runguranga oituan iha iha Tasitolu, maibé, ho prezensa ida ne’e ami iha eskola Fernando La Sama de Araújo marka istória foun ida ba ami nomós ba ami nia oan sira no lori mós paz ba ami nia estudante sira. Hanesan ita akompaña eskola ida ne’e problema sempre iha, obstaklu sempre iha ha’u fiar katak ho prezensa ilas ne’e bele diminui ami nia problema sira ne’e”, hatuir Diretóra Eskola Sekundária Jerál Fernando Lasama de Araújo, iha nia kna’ar fatin Ainaro villa.
Hafoin ilas João Paulo Segundu vizita eskola Tekniku vokasional Gil Monteiro Oan Soru iha Ainaro Villa durante loron tolu hahú iha Sabdu too iha Segunda ne’e.
Alende ne’e Diretor Servisu Edukasaun Munisipiu Ainaru Oscar de Araújo hateten Ilas João Paulo Segundu núdar mahein savedoria siénsia edukasaun iha Timor Leste hahú kedas iha loron 14 fulan Fevereiru 2022
“Ha’u fiar vizita mahein João Paolo II nia bele halo transformasaun signifikativamente ba ita kamada hotu liu-liu ba profesores no alunus sira ne’ebé nia halo vizita, ha’u fiar ho nia terus no sofrementu, nia sakrefisiu nia sei tau savodoria siensa transformasaun ba ita nia mestre no ba ita nia alunus sira ho mos ita autoridade sivíl, militares ha’u labele mensiona un por un, ha’u fiar transfomasaun signifikativa tebes ba ita Ainaro oan sira ohin aban no aban bairua”. Dehan diretor Edukasaun
Enkuantu vizita ilas João Paulo Segundu iha Eskola Sekundaria Jerál Fernando Lasama de Araújo durante semana ida hahú loron rua too loron ualu sei prense ho aktvidade sertame kona-ba istória João Paulo Segundu ninian iha língua tetun português
Alende ne’e iha kompetisaun kanta João Paulo Segundu ninian hafoin kompleta loron ualu Eskola Sekundaria Jerál Fernando Lasama de Araújo sei entrega hikas ilas ba Eskola Sekundaria Katólika Santa Maria Ainaro. Durante vizita ilas João Paulo Segundu hetan seguransa husi PNTL Munisípiu Ainaro
Editor: Lian Orluli
