Dili 12/02/2026, Lian Oruli—Pozisaun ne’e hato’o ba jornalista sira hafoin PM Xanana remata enkontru semanál ho prezidente RDTL Jose Ramos Horta iha palasiu Prezidente Aitarak Laran Dili
Ligadu ho Polémika rekrutamentu kadetes PNTL ne’ebe dau-daun ne’e sai preokupasaun públiku, konsellu ministru liu husi reuniaun deside hasai rezolusaun suspende, forma komisaun foun envolve Polisia estranjeiru hodi hadia sistema iha prosesu sira ba kadete foun PNTL 2025-2026
Nune’e Xanana haktuir nia parte simu krítika husi manifestante sira tanba iha loron hirak liu ba manifestante sira krítika katak “Polisia Gaji ki’ik, Xanana Koruptor”
“kona-ba rekrutamentu polisia sai problema bo’ot , palarva de orden ne’ebe manifestante sira horseik mos sira ba iha ne’eba, “polisia gaji ki,’ik, Xanana koruptor, ne’ebe ami simu bu’at sira ne’e hotu ho ministériu interior hasa’i rezolusaun ida atu suspende tia tanba iha problemas duni, ami mos deside katak bele la’os problema mos hare’e hanesan problema, ne’ebe suspende, hodi kria komisaun ida, komisaun ida husi polisia rasik ita ni’an, ho polisia husi Portugal, polisia husi Australia mai komisaun, ita temi karik internasional ida hodi hare’e didi’ak bu’at sira ne’e hotu, iha sala ida ne’ebe atu kuriji hodi bele hasa’i desizaun foun ka halo foun fali hodi hare’e katak saida, ida mak presiza atu hadia, atu simu polisia foun, tanba 400 maibe hatama 12000 ital, 2000 ital maka la tama, la simu kedas tanba 1000, ne’ebe ho komisaun foun ne’e hodi monta iha ita nia rain, katak kuandu iha rekrutamentu ba polisia presiza ida ne’e, ida nemos halo ho los, la bele hanesan bai-bain sira temi familiarizmu bu’at sira ne’e hotu”, PM Xanana dehan iha Palasiu Prezidente, hafoin remata enkontru semanal ho Prezidente RDTL, tersa ne’e 12/102026
Desizaun hasai rezolusaun Suspende kadete foun tanba konsidera komisaun rekrutamentu injustu, la transparante, viola direitus umanus no kontra prinsipiu boagovernasaun
Maibe antes no inisiu anunsiu públikasaun vaga PNTL, Misitriu Interior Franscisco Guterres esklarese ba públiku sei garante trasparansia iha prosesu rekrutamentu tanba envolve guarda nasional repúblikana sosiedade sivil no komisaun B parlamentu nasional
Jornalista: Alves Carvalho
Editor: Clementina Fatima
