Ainaro lian orluli-24-08-2022- Xefe saúde Hautio José Casmiro Lopes tinan 52 deskonfia tara aan iha andar Edifisiu Maternidade Hautio Suku Mulo Postu Administrativu Hato-builico Munisipiu Ainaro
Tuir seguransa ba sentru saúde Hautio Marcelo Dos Santos hateten kuarta feira ne’e mais ou menus tuku neen liu minutu sanulu oras Timor-leste dadersan bainhira hader husi toba fatin iha sentru saúde Hautio atu hasae bandeira maibé hetan fali Xefe Saúde Hautio José Casmiro Lopes tara aan iha andar Maternidade
“Iha oras mais ou menus tuku ne’en ho balun hau hader husi toba fatin foti save atu ba loke odamatan hodi foti bandeia RTDL ba hasae hau hetan fali ema taran iha andar leten ne’e, hare tia hau kontaktu ba PNTL hodi informa”. Seguransa sentru Saúde Hautio Marçelo dos Santos
Ho ida ne’e seguransa ne’e informa ba Polísia Investigasaun Munisipiu Ainaro too iha fatin akontesimentu hodi dada lina Polísia molok hatun mate isin husi andar leten ne’ebé hetan apoiu husi ekipa protesaun Bombeiros munisipiu Ainaro
komandante Investigasaun Munisipiu Ainaro sarjentu xefe Armindo do Rosário Araújo hateten mate isin sei transporta ba iha mortuariu Hospital Nasional Guido Valadares hodi bele submete ba prosesu autopsia
“polísia sei bolu sasin seguransa no familia atu bele fo deklarsaun ruma hodi nune’e bele hatene kauza husi xefe sentru saúde hautio nia mate”. Hateten komandante investigasaun munisipiu ainaro sarjentu xefe Armindo do Rosário Araujo
Enkuantu xefe sentru saúde Hautio tara aan ho tali fiu ajul iha andar ida kuaze ho naruk husi ho metru sanulu
Xefe saúde ne’e orijin husi Querema Maulahulu Postu Administrativu Hatobuilico hala’o knaar iha sentru saude Hautio hahú iha tinan 2000 too agora
Evidensia ne’ebé autoridade investigasaun rekolha husi matebian mak hanesan telemovel telemor no telemovel android samsung ida maske inklui fiu ne’ebé uza deskonfia hodi tara aan
José Casmiro Lopes mate husik hela nia fen kaben no oan nain haat ne’ebé rejidente aktual iha postu Administrativu Maubesi
Editor : lian orluli
