Lian Orluli — Administrador Posto Ainaro villa Nazario de Araùjo hateten serimonia pose ba xefe suku iha 28 novembru preparasaun xefe suku eleitu sira mak mobiliza estrutura no povu hodi komemora loron proklasaun ne’e.
“Preparasaun Tomada de Posse ba Xefe Suku re-eleitu no eleitu kria enkontru hodi hato’o ba sira atu halo preparasaun ba tomada de Posse no Komemorasaun loron Proklamasaun Independensia Timor Lesta 28 de Novembru 2023, enkontru ba Xefe Suku sira atu mobiliza komunidade lori Bandeira, hatais kultura hodi partisipa iha kampo Insarian Bandeira no konsellu Suku ho nia estrutura sira hotu lia-nain atu hatais roupa tradisional hanesan kabala tais, kahe tais, kesi lensu, tau kaebauk, hodi simu tomada de posse iha palku Isar Bandeira iha Munisipiu Ainaro” nia dehan
Nia esplika xefe suku sira rekolla estrutura hotu no joventude nia dukumentos atu priense formatu Serimonia tomada de Posse no programa hanesan hasae Bandeira, hias Bandeira, Bandraloras, pintas, hamo’os Suku, Aldeia, bairo iha Estrada ninin
“Atu rekolla Xefe do Suku, no Aldeia, Delegada/o, Joventude sira hotu nia dukumentos atu priense iha Formato ba Serimonia Tomada de Posse liu liu iha komprinisio de ondra, ho programa seluk hanesan tenki hasae Bandeira, liuliu loja sira tenki hasae Bandeira lumbu-lumbu ou hias Bandeira, Bandraloras, pintas, no mos hamo’os Suku, Aldeia, no balu hela besik Estrada ninin hamo’os dalan ne’e, hato’o mos ba Benifisiario sira ne’ebe hetan Uma Naroman ba Povu (UNP) no mos uma naroman+B nian ne’ebe hetan ona tenki halo iha tempo badak tuir informasaun husi ita nia Sekretario Estadu Jil Monteiro lokal katak sei Vizita husi ita nia Suacielensia Primeiro Ministro Sr Kayrala Xanana Gusmao sei lao haleu Timor Laran Tomak hodi hare direita Uma Naroman ba Povu liu husi programa, PNDS”. Nia hakotu
ESTJ:Renhy
Editor: Lian Orluli
