Lian Orluli-— Governu Lokal liu husi Sekretáriu Assuntu Sosial Munisipiu Ainaro distribui Farda kompleta ho sapatu inklui ekipamentu elektróniku ba xefi suku 21 no administrador postu ha’at iha munisípiu Ainaro
Sekretáriu Assuntu Sosiál Agostinho Doutel Sarmento hatete, komputadór hirak ne’e utiliza hodi fasilita servisu administrasaun nian iha suku no ekipamentu hirak sosa ho osan pursentu 20% husi Administrasaun Autoridade Munisípiu
” Ohin distribui komputador no farda ba xefe suku sira ne’e sufisiente ona, tanba komputador sira distribui ne’e osan pesoal fulan haat nian hahu janeiru-April iha Munisípiu tanba ne’e konfirma ho Prezidente Autoriedade Munisipiu Ainaro Orsamentu Hasae ba 20% hodi sosa Ekipamentu distribui ba suku sira”, dehan Sekretáriu ne’e.
Nia esplika, ekipamentu hirak ne’e distribui ba suku sira tanba ligadu ho servisu estatal nian no mos kona badadus demografia no monografia nian
“Komputador 25 distribui ba suku no postu 4 ida ne’e sufisiente ba sira no bele apoiu serbisu ne’ebe ligadu ho dadus Demografia, Monografia ne’ebe agora dadaun husi ministro estatal ejije hela dadus ne’e tenki lalais, ekipamentus ne’ebé distribui ba xefe suku eleitu foun sira hodi hala’o sira nia servisu la bele lori fali ba uma tau iha sede suku hodi atende komunidade iha sira nia kna’ar fatin“, nia esplika.
Xefi suku Mau-Nunu Valente Bianco Ramos, kontente ho ekipamentu hirak ne’e hodi utiliza ba atendimentu sevisu suku nian
“Agradese ohin sente kontente tebes tanba ami suku 21 simu komputador hodi atende komunidade sira no servisu administrasaun iha suku liu-liu ba komunidade sira nia deklarasaun ruma presija atu halo”, xefi suku ne’e agradese.
Lideransa suku ne’e subliña, maske nia agradese tanba iha ona ekipamentu hodi fasilita servisu administrasaun nian iha suku maibe nia parte kestiona, tanba farda ne’ebé simu la iha simbolu ruma uniforme hodi reprezenta povu iha komunidade
“Ami xefi suku sira simu farda atu nune’e komunidade sira bele hatene farda ne’e hnsan simbolu ida uniforma xefe suku iha timor laran tomak, ha’u lamenta uituan tanba iha kajaku laiha emblema no mos xapeo laiha emblema tenki tau, atu nune xefi suku sira uniforma iha munisipiu Ainaro tanba xefe suku ne’e povu mk hili direita ne’e la’os partidu mk hili “, nia hakotu
Total komputadór hamutuk 25, husi númeru ne’e 21 koloka ba xefi suku sira no 4 ba Administrasaun postu ha’at iha Munisípiu Ainaro
Jornalista: Irene Tael
Editor: Lian Orluli
