Lian Orluli — Ministério Comersio Industria (MCI) realiza Feirra promove produtu lokál hodi komemora loron restaurasaun independensia ba dala 22 iha munisísipi Ainaro
Ba Lian orluli, Komisaun Organizadora (KO) nasional ne’ebé estabelese husi Ministériu Comersio Industria, hatete sedauk bele fo sai orsamentu ho rajaun atividade adisionál laos programadu
“Totál orsamentu ne’ebé fo sai ona ne’e iha rihun atus neen ba eventu feira iha treze munisípiu ne’e ami rona deit tanba ida ne’e programa adisional laos programa ne’ebé programadu, tanba simu orientasaun husi Primeiru ministru no vice Primeiru ministru maka sai hanesan komisaun organijadora ba feira ida ne’e, tanba ne’e ami sedauk bele fo sai orsamentu gastus iha feira ida ne’e”, Diretúr Jeral da Industria, atuál Kordenador komisaun Orgaijadora ba iha feira Munisípiu Ainaro, Martins Magno, hateten
Responsavel ba eventu feira Promove produtu lokál iha munisípiu Ainaro atuál Diretúr da Industria Martis Magno hatutan nia parte sedauk bele responde kona ba orsamnetu gastus ba iha feira, so bele esplika deit teknikamente no halo kordesaun ho autoridade hodi priense atividades feira nian iha munisípiu Ainaro
“ Ida ne’e hau labele responde tanba ami sei hela etapa hala’o atividade ne’e, hau bele esplika deit teknika mente oinsa halo kordesaun hodi realiza eventu ida ne’e ho prezidente autoridade, inklui delegasaun ministériu nian hodi bele kordena ho grupu sira nune’e bele priense ba atividade ida ne’ebé maka sei priense ba iha aban abertura ne’e”, Responsavel Feira iha Munisipiu Ainaro ne’e hatutan
Antes ne’e iha loron 11 fulan abril tinan 2024, ekipa nasional husi Ministériu Comersiu Industria hala’o soru motuk ho prezdente Autoridade munisípiu Ainaro hodi aprejenta programa feira ba komemorasaun loron restaurasaun badala 22 iha munisípiu Ainaro, hodi anunsia sai orsamentu ba atividade feira ho totál orsamentu hamotuk rihun atus ne’en ba treze munisipiu inklui munisípiu Ainaro
Enkuantu atividade feirra promove produ lokal iha munisipiu Ainaro hahu realiza iha loron 2 to’o 4.
Jornalista : Lian Orluli
Editór : Lian Orluli
