Loron mundial bá traballadór ne’ebe serta iha 1 de Maio hanesan esforso ne’ebe komfirmadu ho prosesu traballadores iha mundo tomak bá situasaun ekonomia ne’ebe la balansu iha sosiedade.
Kondisaun ekonomia ne’ebe la balansu iha sosiedade akontese tamba klase capital foti barak liu (supa) moris traballadór nian iha sikun opresaun ne’ebe hetan ligitimidade husi sistema kapitalismo.
Salario ne’ebé ki’ik, kondisaun serbisu ne’ebé grave, laiha certeza no grantia serbisu, ne’ebe maka sempre abandona no prosesu ne’e nunka mais iha finalidade. Ho situasaun failansu ekonomia internasional sira ne’ebe akontese fó impaktu bo’ot bá estadu sira ne’ebé la iha seriedade liu-liu iha nasaun terseira mundo sira fraku tebes hodi resolve krizi ne’ebe fó amiasa tebes bá traballadór iha kondisaun serbisu ne’ebe la fó opsaun barak atu bele hetan moris ne’ebé prosperu.
1 de Maio hanesan airin istoria luta trabllador nian. istoria osan mean ne’e hakerek bainhira akontesemento trajédia ou masakre husi demonstrante sira ne’ebé’e lidera husi traballadór iha Haymarket, Estadus Unidos Amerika iha data 1-4 Maio iha tinan 1884 ho objektivo atu ezizi serbisu oras Walu no seguransa sosiál. Husi demonstrasaun ne’ebé akontese iha Haymarket hanaran “Chicago Fight” depois iha 1 de Maio 1890, bazeia bá rejultadu kongresu internasionale Segundo ne’ebé selebra iha fulan junu 1899 iha Paris, hodi halo realizasaun demonstrasaun ho massa no greve iha Amerika no Europa hodi relembra traballadór sira ne’ebé maka sai vitima bá trajédia ou masakre iha Haymarket. No iha momento ne’ebá demonstrante sira ejiji serbisu oras walu kada loron no iha kria kondisaun saude iha fatin servbisu bá traballadór, no traballadór ne’ebé maka afilia hamutuk iha Knight Of Labour konkorda no agridita ho lvoz alta katak “1 De Maio Para Sempre Sai Hanesan Lembransa Bá Deklarasaun No Libertasaun Segundo” hahu husi ida ne’e kedan maka traballadór iha mundo tomak halo komemorasaun bá 1 de Maio sai hanesan loron solidaridade bá traballadór iha mundo hodi luta bá nia libertasaun.
Depois Timor Leste restaura independensia iha 20 de Maio de 2002 governo Timor Leste mós respeito tebes hodi desidi 1 de Maio hanesan loron istoriko bá traballadór iha Timor Leste.
Loron internasional traballadores sira fo hanoin atu hadia kondisaun traballadores sira no protege sira nia direitus. Servisu dignu no mos salariu dignu ba traballadores sira salariu ne’ebe bele fo moris dignu ba familia ida-idak mak dalan ne’ebe estadu tenke lau tuir hodi hetan solusaun dignu.
Ita nia respeitu tomak ba traballadores hotu-hotu nia koragem no dedikasaun ba sira ne’ebe konsege servisu duni tuir sira nia vokasaun ga tuir servisu ne’ebe sira hadomi, maibe mos la haluha barak liu ne’ebe servisu nakonu ho susar maibe servisu loro-loron atu bele fo han no eduka sira nia jerasaun no moris ho dignu ba ita ida-idak nia familia.
Respeita no valoriza servisu hotu-hotu ne’ebe ita se deit hala’o atu buka moris loro-loron nian ba nia an no mos ba nia familia.
Husi ema bo’ot ga ki,ik, servisu iha rai laran ga rai liur, servisu hotu-hotu dignu no kontribui tuir ida-idak nia knar ba ita nia rai doben Timor-Leste no ita hotu nia ukun rasik an ida ne’e.
Kriasaun empregu atu bele akomoda ema hotu ne’ebe sai husi eskola tinan-tinan sai dezafiu bo’ot ba Timor-Leste.
Responsabilidade bo’ot tebes ba Estadu no ukun nain saida deit, atu fokus no tau prioridade ba diversifikasaun ekonomia no investe iha sektor produtivu ne’ebe presija traballador barak liu. Investimentu iha inovasaun, espesial iha jovens inovadores ne’ebe bele uja teknologia foun iha hortikultura, energia renovável, tratamentu lixu, preservasaun meiu ambiente no seluk tan mos karik importante.
Hein katak atu nune’e, neneik-neneik ita nia jovens sira bele hela iha Timor-Leste no uja sira nia matenek tomak mos iha ita nia rain. Naturalmente diak mos ba ita nia joven sira atu bele moris iha rai liur no hetan esperiensia foun, maibe ida ne’e labele sai uniku opsaun ba sira atu bele hetan servisu
* Haforsa Industria Nasional!
* Garante Kampu Serbisu Bá Sosiedade!
* Rejeita Sistema Kontratadu Bá Traballadór!
* Rejeita Kompensasaun!
Hakerek artigu ne’e husi Asala Vicente
