Lian Orluli- (04/09/2026)— Projetu alargamentu uma suku Ainaro ne’ebé finansia husi Programa Nasionál Dezenvolvimentu Suku (PNDS) ho total orsamentu rihun $14.000,00 daudauk ne’e besik atu remata.
Sefe Suku Ainaro esklarese katak konstrusaun ne’e la’ós foun hotu, maibé haboot tan de’it estrutura uma ne’ebé iha tiha ona.
“Konstrusaun ne’e la’ós foun hotu, maibé hanesan alargamentu ba uma suku ne’ebé iha ona. Objetivu mak atu fó fatin ne’ebé di’ak ba funsionáriu suku sira, nune’e bele halo sira-nia servisu di’ak liu tan ba povu,” dehan Sefe Suku.
Iha fatin hanesan, Delegada Suku Ainaro sente haksolok no fó agradesimentu ba progresu projetu ne’e.
“Ami hato’o agradesimentu no sente haksolok ho progresu projetu PNDS nian. Konstrusaun alargamentu uma suku ne’e fó benefísiu boot tebes ba komunidade tomak iha Suku Ainaro laran,” hato’o Fabliana de Araujo Xavier.
Projeitu alargamentu Uma Suku Aianro ne’ebe finansia husi programa Nacional Desenvolvimentu Suku (PNDS) tinan 2026, ne’ebe lao hela atinji ona 98% iha Suku Aianro. hato’o husi Raimundo Da Costa Freitas nudar Engeneriu Municipio (E.M)
Alargamentu uma ne’e sei facilita atendimentu públiku no hasa’e kualidade servisu administrasaun nian ba populasaun iha Suku Ainaro.
Jornalista: Lucia
Editor : Clementina Fatima
