Ainaro Lian Orluli 02-09-2022- Estudante sira iha Eskola Públiku Ensinu Baziku Filial Sabagu Leopat Ainaro Atas Suku Ainaro, Posto Administrativo Ainaro, Munisípiu Ainaro iha deit sala tolu no Estudante hamutuk atus rua resin maka uza hamutuk sala tolu, hahu husi Primeiru Anu to sestu Ano.
Koordenador Maria Madalena da Conçeicão Pereira informa Eskola Públikuo Ensinu Baziku Filial Sabagu Leopat Lokaliza iha Ainaro Atas Suku Ainaro Konstrui husi Governu iha Tinan 2007, Uza Orsamentu Estadu, Pakote Referendu kuaze Montante Dolar Rihun Sanulu Resin Neen (6000), hodi harí Sala Tolu, Edifisiu ne’e konstrui didin de’it ho Bebak no oras ne’e Dadaun Alunus ne’ebé hala’o Aprendisazen iha Eskola Refere hamotuk Atus Rua Resin (200), Hahú husi Primeiro Ano to’o Sestu Ano.
“Hare’e ba Eskola iha sala tolu de’it labele akumula Alunus sira kuaze Atus Rua Resin Ne’en (206), tamba ne’e kada Sala ida uza ba Turma Rua, Manorin Na’in mak Hanorin Alunus iha Tempu no Oras hanesan, iha Sala Ida ”. Dehan Kordenadora EBF Sabago Leopat, Maria
Alende ne’e Sala Eskola la Sufisente no Eskola refere la iha Edifisiu Propriu ba Koordenadora Eskola no Manorin na’in sira, nomos Falta kadeira no Meja ba Estudante sira hodi Tu’ur .
“ Husu ba Governu liu husi Ministerio da Edukasaun atu bele tau atensaun ba Eskola Ensinu Báziku Filial Sabagu Leopat, hodi bele loke tan Espasu no Konstrui Edifisiu Foun tamba Bebak ne’ebé mak Didin hahú malahuk no dodok no sala ba ami profesores sira la iha”. Hatutan Koordenador EBF. Sabagu Leopat Maria, ba jornalista orluli iha nia knar fatin
Directór Edukasaun Munisípiu Ainaro Oscar de Araújo esplika katak, Ministério Edukasaun iha komitmentu atu halo kontrusaun ba Edifisiu Foun Eskola Ensinu Báziku Filial Sabagu Leopat, Maibé Estatu Rai la klaru.
“Eskola refere estatuto sedauk kalaro Maske nune’e ita sei haruka Tekniku Edukasaun sei ba halo Levantamentu hodi husu Informasaun ba iha Autoridade Lokal no Komunidade kona-bá Estatu Rai refere “. Esplika Diretor Edukasaun Munisipio Ainaro
Enkuantu Eskola EBF Sabagu Lopat lokalija iha Suku Ainaro postu Administrativo Ainaro,total Profesores nain 8 kompostu husi Permanente hamotuk 6, no Kontratadu 2
Editor: Lian Orluli
