Ainaro- 05-09-2022- Komunidade suku Mau-nunu no Mau-ulu tinan rua nulu resin ona la asesu ba estrada di’ak Maske suku Mau-nunu no Mau-ulu potensia ba setór agrikultura maibé kondisaun estrada difikulta komunidade transporta sira nia produtu lokál ba merkaduria.
Komunidade suku Maununu no Mau -ulu tinan 20 liu ona fulan tolu ho balun maibé too agora komunidade la asesu ba estrda di’ak ruma
Tamba ne’e abitante sira tenki tutur de’it sira nia produtu hodi la’o ain ho distansia kilometrru neen husi Mau-nunu to’o iha merkadu Ainaro hodi bele faan no abitante balun mós kontinua uza hanesan transporte tradisionál no Kuda hodi tula sira nia produtu too iha merkadu
Abitante terezinha da conceição no Alda xavier husu Governu atu hala’o konstrusaun ba estrada Mau-nunu no Mau-ulu atu nune’e komunidade bele asesu ba transporte públiku
“iha tempu Indonesia to agora ami sedauk asesu estrada diak tamba ne’e ami husu ba governo hadia estrda Mau-nuno no Mau-ulu bainhira ami atu ba merkado tenki tutur deit sasan produto sira ba afan iha merkado”. katak abitante Terezinha da conceição
Xefe suku Mau-ulu luis valadares colaço husu ba governu atu koloka orsamentu iha tinan rihun rua rua nulu resin tolu hodi hala’o konstrusaun estrada suku Maununu no Mau-ulu tamba komunidade suku rua ne’e asesa hotu ba estrada refere
“Ukun na’in sira labele iha tempu kamapainnha ba promete de’it ba povu atu hadia infrastrutura hanesan estrada maibé ikus mai la realiza”. Katak xefe suku Mau-ulo luis valadares colaço
Enkuantu total população suku Mau-ulo 2000 resin no total população suku Maununu 2001 resin no observa jornaliasta orluli nota iha terenu komunidade sira lao ain ho distansia kolimetro 6 husi Mau-nuno to iha Merkado nune’e mos Ho suku Mau-ulo.
Editor: Lian Orluli
