Ainaro Lian Orluli 04-09-2022, FC Foc sai kampiaun ba Modalidade Futebool iha Eventu AF-RAMA 2022 iha Posto Administrativo Ainaro Villa Municipiu Ainaro.
Jogu Final ne’e Realiza iha kampo Futebool Ainaro Villa iha Domingu Loraik ne’e FC FOC sai Kampiaun ba Eventu kopa AF-RAMA 2022 hafoin halakon ekipa Beskem iha Jogu Finál ho rezultadu 2-0
Jogu Finál ba kopa AF-RAMA époka 2022 ne’e kada klubu mai ho adeptu kuaze rihun ba rihun mak partisipa , hodi fó apoiu ba Ekipa ida-idak nia Klub, tamba nu’udar jogu ikus atu hadau kampionatu ba taxa kopa AF-RAMA tinan ne’e.
Jogu Finál ne’e hahú iha primeiro parte 45 menutus, ekipa rua lansa kedas kontra –atake ba malu tuir idak-idak nia tekniku no tátika jogu hodi hetan vitória iha eventu ne’e.
Maibe jogu iha priméiro parte ne’e ekipa rua hatudu forsa hanesan iha kampu laran , maske ida-idak esforsu tuir tátika no tékniku ida-idak nian, iha jogu lansa Fc Foc Jeconias do Carmo da Costa ho kamijola numeru 4 , marka golu 1-0 iha 45 menutus.
Hafoin intervalu durante menutu 15 , Jogu kontinua hikas ba segunda parte ho tempu hanesan 45 menutus, ekipa Fc Beskem domina bola iha kampu laran no hatudu vontade diak tanba maioria domina kampu maibé la iha sorte atu gaña golu ruma.
Maibé ekipa Fc Foc joga ho kalma no komesa hatudu fali estratéjia foun hodi pasa bola ho tátika ne’eb furak , nune’e ho estrtejia foun ne’e , iha duni rezultadu, tamba jogu segunda parte to’o menutu 28 , avansadu , Fc Foc Joel Salvador kamijola númeru 19,marka tan golu 2-0 , depois de Jogu Remata.
Prémiu ba modalidade futeból iha kopa AF-RAMA 2022
Primeiro Lugár husi FC Foc ho valór Prémiu Taça ida, $ 600.00 , ba Segundu lugár okupa husi FC Beskem $ 400.00 , no terseiru lugár okupa husi Fc Cassa ho Premiu $ 200.00 . no mos jogadores sira kada ema ida-idak simu mos Medalia
Alende ne’e Komisaun Organizadora AF-RAMA, Crisogno Xavier Hateten iha eventu Orsamentu ba Kompetisaun ne’e ho Montante Dolar $ 4000.00 resin, ne’ebé hetan apoiu husi Parseiru Timor oan inklui Federasaun Futebool Timor-leste , Iha Kompetisaun Af-RAMA CUP SUB 19, entrega mos premiu ba melhor Jogador , Top Scor ,Adeptu Fanatico , Abitrazen inklui tara medalha ba Jogador husi Club FC FOC no Beskem FC , Jogu ne’e hala’o kuaze fulan Jullu Tinan ne’e, no partisipa husi Club 13 , Kompetisaun ne’e hala’o to’o remata , komisaun Organizadora AF-RAMA la Rejista kazu ruma Envolve iha problema entre Jogador ‘’.
Entertanto Jornalista Lian Orluli nota katak , Partisipa husi Wasip Nasional Nivio Fernandes, no iha Ainaro Oan na’in rua no asiste Direita husi Sekretariu Adminiostrador Municipio Ainaro José de Araújo, Amu Parokia Ainaro Armindo Brito, Xefé do Suku Mau-ulo Luis Valadares Colaço, no Reprezentante Komandante PNTL Munisipiu Ainaro.
Editor: Lian Orluli
