Ainaro Lian Orluli-12-10-2022- Ema na’in 6 mate hafoin akontese asidente trafegu iha aldeia Hautio suku Mulo postu administrativu Hato-builico.
Asidente trafegu ne’e akontese tersa feira kalan mais ou menus tuku 9 kalan oras timor-leste, baibhira vitima sira husi postu administrativu Hato-builico villa atu lori sasan ba faan iha merkadu postu administrativu Zumalai munisípiu Covalima
Komandante tranzitu munisípiu Ainaro sarjentu xefe Marito da Costa Coelho, asidente ne’e akontese deskonfia kareta nia trabaun avaria ikus mai motorista lakon kontrolu hodi monu ba mota- hautek-manu aldeia Hautio
“ kauza husi asidente ne’e tamba avaria husi taravaun (trava la hetan) maka kondutor la konsege domina volante hodi rejulta kareta halai sai husi estrada ninin hodi monu tun ba rai naruk mota laran, antes ne’e kareta halai sai husi estrada kondutor konsege sama taravaun ho distansia 24,80 m ba estrada ninin, no husi estrada ninin to kareta baku fila iha mota laran kuaje 59,60 m, no iha kareta ema nain 6 feto 2 no mane nain 4, asidente ne’e rejulta ema nain tolu mate fatin, inklui kondutor mate kedas iha fatin Akontesementu, ema nai 1 mate iha klinika postu Hautio no nain rua mate iha Hospital referal Maubisse”. Dehan Komandante tranzitu munisípiu Ainaro sarjentu xefe Marito da Costa Coelho
Enkuantu kareta ne’ebé mak hetan asidente trafegu ho númeru matrikula 52-268 timor-leste
Entertantu ema na’in neen ne’ebé mak mate inklui patraun kareta na’in feto ida motorista
Mate isin sira ne’e ekipa Bombeiro munisípiu Ainaro no polísia tranzitu munisípiu Ainaro evakua kedas mate isin hodi tula ba iha Hospital referensia Maubese
Editor : Orluli News
