Ainaro Lian Orluli 15-11-2022 — Organijasaun Non Govermental, Apoiu suku (ONG) Munisipio Ainaro, Rejista xefe família hamotuk 17.244 maka atu asesu Subsídio uma-kain $200 ne’ebé tuir palno sei lansa loron 16 fulan- novenbru tinan 2022.
Diretór ONG Munisipío Ainaro Beni Manuel de Araújo, esplika, tuir lista antérior ne’ebé autoridade lokál postu sira aprezenta, tuir dadaus ne’ebé rejista iha lista pagamentu tuan nian iklui foti mos foti lista husi sesta bajika nian.
“ Ita total benefisiáriu Munisípio Ainaro 17.244. husi postu Ainaro nian xefe familía 4,628, postu Hato-udo, 3060, postu Hato-bulico 3408 no postu maubisse 6148, total xefe familía Munisipio Ainaro maka 17, 244, ne’e inklui ho lista reklamante tuan, no ita aneksa hamotuk ho lista husi sesta bazika nian”. Diretór Beni, fó-sai lista ne’e ba jornalista orluli News iha nia knar fatin administrasaun Munisipio Ainaro
Nia hatutan, prosesu pagamentu iha Munisipio Ainaro data sedauk fiksu maibe’e sei realizaiha iha fulan Novembru ne’e, no ba benefisiário sira tengki lori ho dukumentus komprovativu sira hanesan fixa família, kartaun eleitoral no billete identidade (BI).
“ lista sira ne’ebé agora dadaun iha ne’e ami foti lista sira husi sesta bazika nian, no lista reklamante sira, tanba ne’e naran sei la dobru, bainhira atu halo pagamentu benifisiário sira tengki lori dokumentus komprovativus sira hanesan fisa famíia, kartaun eleitoral, no Billeti identidade (BI)”. Beni Manuel dehan.
Alende ne’e Administradór Leovegildo Amaral pereira hateten, pagamentu subsidiu ba xefe família sei lansa pagamentu iha fulan ne’e, maibe’e ba Funsionário ne’ebe’e maka saláriu $500 sei la hetan subsidiu maibe’e ba sira nia espoja no oan bele hetan.
“Iha Fim do Novembru kede xefe famila Ida Sei Simu Orsamentu $ 200 dollar, Maibe ba Funsionàriu sira ne’ebé asume kargu hanesan Administradór, Diretór Sira ne’ebé Mak simu Saláriu $500 dollar, kada Fulan sei la hetan Osan $200 dolar, maibe ba Sira Nia Ferik Oan ho Oan Mak bele hetan subsidiu ne’e, no lista pagamentu sei foti kontinua husi lista tinan kotuk nian mai tan lista Uma kain Sira ne’ebe Mak foin halo reklamasaun seidauk simu, tamba Orsamento ne’ebe Mak Aprova ne’e ba deit uma kain ne’ebe naran iha,ita bazeia ba Lista ne’ebé iha ona” , dehan Administardór Levegildo
Administradór Munisipio, apela ba autoridade lokál sira atu hatutan Lista baze legál sira ne’ebé governu fo-sai nune’e iha prosesu pagamentu ne’e família foun sira naran la tama iha lista labele kestiona.
“ familia foun sira ne’e, la signifika la hetan ona, iha tinan 2023 nian mai bele hetan fila fali,” nia argumenta
Enteretantu pagamentu subsidio $200 kada xefe família iha munisipío Ainaro sei hala’ó iha fulan ikus ne’e, no data sedauk termina, administradór munisipio hateten.
Jornalista : Sarah Lewis/ Norvia
Editor : Orluli news
