Ainaro Lian Orluli— Konfrontu entre joven sira iha postu administrativu Hato-builico rezulta joven na’in rua ida kanek todan no ida seluk matan bubu deskonfia hetan pankada
Komandante PNTL munisípiu Ainaro Segunda feira (26/12/22) ba media orluli news relata mosu konfrontu entre joven sira husi aldeia mausuru-mata no fatuk huun postu administrativu Hato-builico iha loron 25 fulan dezembru ne’e rezulta ema na’in rua hetan kanek
Tuir informasaun provezòriu ne’ebé mak servisu investigasaun PNTL Eskuadra Hato-builico hato’o ba komandante PNTL munisípiu Ainaro superintendente Paulino Carmo pereira katak, vìtima OL hetan asaltu bainhira ba fó boas festa ba família nia família sira iha área Fatuk huun, maibé hetan ataka husi joven balu fatuk huun ninian hodi rezulta vitima OL nia matan bubu, hafoin vitima OL lori nia kolega ba asaltu suspeitu FD rezulta kanek iha reen toos, too raan sulin hafalun oin, parte PNTL lori vítima na’in rua ba hala’o tratamentu iha hospital referensia Maubisse munisípiu Ainaro.
“Akontese Insedente balu iha Postu Adminstrativu Hato-builico iha oras mais ou menus tuku nenen lorokraik oras Timor leste iha loron 25 loro kraik depois missa natal, aldei Maosuru-mata ho Bairo Fatuk hun iha Postu administrativu Hato-buliko, akontese ne’e bainhira familia balun husi aldeia Maosuru-mata atu ba vijita no boasfestas ba familia balun iha Fatuk hun, iha dalan akontese problema hodi atake malu,”esplika komandante PNTL munisìpiu Ainaro Superintendente Paulino Carmo Pereira iha nia knar fatin
Enkuantu husi akontesimentu ne’e, temporariumente PNTL eskuadra Polìsia Hato-builico asegura sidadaun na’in ne’ebé envolve iha konfrontu refere, hodi submete ba prosesu investigasaun nune’e hodi buka tuir suspeitu sira seluk tan, husi Mausuru-mata no Fatuk huun ninian ne’ebé halai husi responsabilidade.
Entertantu komandante ainaro ne’e hateten, situasaun jerál durante selebrasaun natal tinan 2022, situasaun iha igreja sira la’o kontroladu, no seksaun trànzitu munisìpiu Ainaro mòs la rejista asistente trafìgiu ruma
“ Situasaun emjeràl iha Munisìpiu Ainaro, sub kontrolado, komesa husi misa iha loron 24 kalan to dader laiha problema,“ dehan Superintendente polìsia Paulino Carmo Pereira
Dadaun ne’e PNTL munisìpiu Ainaro alerta dois, hodi garante seguransa ba selebrasaun tinan tuan 2022 no simu tinan foun 2023
Editor : Orluli news
