Ainaro lian Orluli – APC ho ekipa Ekipa Konjunta kompostu husi Autoridade Administrasaun munisipio, no Autoridade Seguransa inklui mos parseiru CVTL, hala’o distribuisaun ba komunidade nia uma anin sobu iha fulan dezembru tinan 2022, durante semana ida iha loron 29 to 4 Janeiru tinan 2023.
Administradór munisipiu Ainaro Leovigildo Amaral Perreira iha intervista hateten, apoiu Emerjênsia ne’e ba vitima sira afetadu no apoiu ne’e nesesidade ba loron balun nian
“Ohin hamutuk ho ekipa hodi halo distribuisaun apoiu ba iha ita nia komunidade sira ne’ebe hetan dezastre naturais anin sobu sira nia uma iha fulan dezembru liuba , distribuisaun ida ne’e ba dala rua nian, la’o tuir dadus provizoriu atus-rua ne’en ne’ebe mak registu ona, Postu Ainaro nian Suku hitu, ohin distribui uluk suku Lima; Ainaro, Manu-tasi, Soro, Suru-kraik no Mau-Ulo hela suku rua Mau-Nuno ho Cassa mak seidauk, sasan emerjensia mak hanesan fo’os, mina, ikan lata, supermie,biscuit,terpal,manta no mos sasan dapur seluk tan, apoio ida ne’e apoio emerjensia la’os atu uza ba tinan naruk maibe bele apoio netik sira nia nesesidade loron balun maibe ba materiais sira seluk bele uza to’o tinan”. Administrador leovegildo iha intervista hateten, tersa feira (17-1-2023)
Nune’e nia hatutan tan katak apoiu ne’e sei hala’o kontinua ba vìtima seluk ne’ebe seidauk hetan no Sei iha kontinuasaun ba vìtima seluk ne’ebe seidauk hetan, apoiu Emergensia ne’e, tanba sei iha prosesu levantamentu dadaus, ba uma sira ne’ebe hetan estragus total, ekipa mos sei esforsu nafatin hodi halo pedidu ba ministèriu sira liu-liu Ministèriu Administrasaun Estatal, Protesaun Civìl, no mos diresaun seluk ne’ebe toma konta ba iha dezastre naturais
Autoridade Porotesaun Civil Afonsu Da Silva, hateten bainhira apoiu ne’e la to’o Autoridade Potesaun civil sei hato’o relatoriu ba iha nasional hodi bele suporta sasan emergensia ba familia Vitima sira.
“Sasan sira ne’ebe ita destribui karik la to’o, nudar Autoridade Protesaun Civil nafatin hato nia pedidu ba iha nasional hodi bele apoiu sasan emergensia mai nafatin nune’e bele atenede ba Vitima ne’ebe Afetadu,” APC Ainaro Afonso hatete
Enkuantu dadus provijoriu ne’ebe fo husi Autoridade Masimu munisipiu AInaro total 206 Husi Postu Ainaro vila, ba postu rua seluk ne’ebé afetadu sei iha prosesu levantamnetu ba dadus.
Jornalista : Norvia/sara lewis
Editor : Lian Orluli
