Lian Orluli –Udan bo’ot durante loron ha’at rejulta rai halai halo komunidade barak nia palantasaun no uma hetan estragus hotu nomos uma balun iha ameasa nia laran inpaktu husi rai halai, estrada iha fatin-fatin ameasa kotu no balun kotu dadaun ona, husi situsaun ne’e sidadun ida lakon vida rejulta husi mota tun makas.
Mota Be’e-luli partensia foho Kablaki ho Nunumoge nian,mota be’e-luli lori sidadun ida, hetan fali mate isin iha Mota Cassa, area Kakeulaku partensia Irigasaun nia ulun.
Ba lian Orluli Comandante Comando PNTL Munisipiu Ainaro Superentendente Paulino Carmo Pereira hatete, simu informasaun husi komunidade suku Cassa katak, hetan mate isin ida iha mota laran, ho nune’e ekipa tun kedas iha terenu hodi observa direta.
Comandante PNTL Munisipiu Ainaro Superentendente Paulino C. P
“Informasaun katak iha komunidade ida mota lori, tanba ne’e mak ekipa PNTL, Bombeiros to’o kedas iha fatin akontesementu, realidade mota lori dunik komunidade ida, no mate isin iha hela mota sorin,agora husi Ekipa kopera ho komunidade Suku Cassa no Bombeiros esforsu hodi evakua ona mate isin mai iha estrada nune’e transporta ba iha Centru Saúde Munisipiu Ainaro,hodi halo prosesu kontinuasaun,” Dehan Komandante Komando PNTL munispiu Ainaro, Superentendente Paulino, iha fatin akontesementu, hafoin ekipa evakua mate isin husi mota sorin, mai iha estrada, kuarta ne’e (05/07/2023)
Provizoriumente mate isin sei lori ba iha Sentru Saúde Ainaro hodi halo prosesu kuntinuasaun, tanba iha indikasaun balun hatudu maibe’e, tuir Comandante Superentendente ne’e sedauk bele atu esplika.
“Tuir informasaun husi komunidade iha mota sorin katak iha indikasaun balun hatudu, maibe ha’u labele kolia iha ne’e, karik husi indikasaun ne’e mak ligasaun ho krimi ruma, sei lao tuir prosedimentu lei ne’ebé mak iha’, maibe’e fila fali ba familia nia hakark’ nia hatutan
Nune’e husi parte Bombeiros esplika mos kronologia hetan mate isin iha mota Cassa, katak simu informasaun husi xefe suku Cassa rasik, katak komunidade sira hetan mate isin ida iha mota laran.
Xefe Seksaun Departementu Bombeiros Frederico da Costa,
“Ami husi ekipa Bombeiros simu informasaun husi Xefe suku Cassa iha horas 8:10 dader, katak hetan mate isin ida iha hela mota laran, no antes ne’e simu informasaun katak sidadaun ida husi suku suro-craik lakon durante loron rua, tanba ne’e APC liu husi Departamentu Bombeiro tau hela atensaun ba sidadun ida lakon ne’e, liu tia minutu balun simu fali informasaun katak komunidade sira hetan mate isin ida iha hela mota laran, ho nun’e Ekipa APC kordena ho komunidade suku Cassa ho esforsu hodi evakua mate isin husi mota sorin mai iha estrada hodi entrega ba iha Parte Segurança PNTL munisipiu Ainaro no Familia,” dehan Xefe Seksaun Departementu Bombeiros Frederico da Costa, hafoin evakua mate isin
Iha Sorin seluk Ozorio Mesquita rekonhese katak, mate isin ne’e los duni sira nia papa Matebian Jeremias Mesquita, nia hateten durante ne’e matebian hela deit iha to’os besik mota be’e-luli ho sira nia inan madrasta, no sempre hakat ba mai liu husi mota boot be’e-luli ne’e.
Oan husi matebian, Ozorio Mesquita
“Apa ho Ama Madrasta hela deit iha tos durante tinan naruk nia laran, tos ne’e besik iha mota be’e-luli, Apa mai uma iha loron segunda ne’e foti tali atu ba lasu animal fuik iha mota sorin, to kalan Apa sedauk fila tanba ne’e ho paniku ami komesa buka no hodi husu tuir iha familia no vijinhu, to loron rua la hetan ami kontaktuk mos ba parte seguransa PNTL no APC,” hatete Ozorio no entrega mate isin ba iha parte Segurança.
Enkuantu matebian Jeremias Mesquita ho idade 50, iha Oan nain 7, hela iha suku Suro-Craik Posto Administrativo Ainaro Villa. no mate isin entrega ona ba parte segurança PNTL munispiu Ainaro no Saúde hodi halo prosesu kontinuasaun.
Editor : Lian Orluli
