Lian Orluli– Informasaun ne’e fo sai husi Prezidente Komisaun Luta Anti Tráfiku Umanu (KLATU) hafoin remata sosializasaun Lei Trafiku Umanu ba Autoridade sira iha Salaun administrasaun Munisipiu Ainaro segunda-feira ne’e.
Tuir Prezidente KLATU, Flaviano Moniz Leão, katak sidadaun nain hirak ne’ebe sai vítima ba tráfiku Umanu ne’e ajensia balu mak rekruta atu ba servisu maibe la iha responsabilidade to’o sidadaun balun sai vítima ba tráfiku humanu.
“Sidadaun Timor-oan sira ne’ebe maka sai vítima ba tráfiku umanu iha rai liur Komisaun Luta Anti Trafiku Umanu lori hikas sidadaun nain hitu fila Mai Timor-Leste, iha tinan Ida ne’e fulan Augusto vítima nain hitu ne’ebe maka fila ona husi Nasaun Malazia mai Timor, agora Sira ida-idak ba nia fatin, sira mesak Joven mane deit no iha Nasaun Alemaña iha ema sanulu resin ha’at maka sai Vitima ba tráfiku umanu no ami komunika ona sira, vitima balu tauk no subar a’an hela ami la hatene no ami kontaktu sira nudar vitima ba trafiku umanu tamba ajensia maka rekruta Sira hodi ba servisu, depois sira la iha servisu oinsa sira atu sustenta Sira Nia moris iha ema nia rai?”.Prezidente nee realata iha resinto administrasaun Munisipiu Ainaro iha segunda (28/08/2023).
Prezidente ne’e aprofunda liu tan katak sidadaun sira ne’ebe maka sai vitima ba trafiku umanu barak liu iha nasaun Portugal lakohi fila hikas mai Timor tanba deve ema nia osan no funan aumenta.
“Ita bele dehan katak sidadaun ne’ebe maka sai vitima kuaze barak liu maka iha Portugal hamutuk rihun lima no sira deve ema nia osan barak no osan sirak ne’e sae ba bebeik hodi nune’e maka Sira deside la kohi Fila”.
Tamba ne’e nia enkoraja joven sira atu ba servisu iha rai liur, tenki rona husi parte Estadu maka rekruta hanesan dadaun Governu liu husi SEPFOPE rekruta ba servisu iha Australia no Korea do Sul.
Dadaun ne’e KLATU halo ona kordenasaun hamutuk iha nivel Nasionál no International atu prosesu re-integra no fasilita apoiu bilite hodi ba buka tuir sidadaun sira nebe monu ba lasu iha nassun seluk hodi bele entrega vitima sira nia familia.
Jornalista: Fathy
Editor: Lian Orluli
