Lian Orluli— Hafoin Xefe Suku eleitu sira simu pose no komemora eventu inportante loron proklamasaun unilatéral independensia Timor-Leste ba dala 48 iha Ainaro tersa ne’e, xefe suku Foho Ai-lico Filomeno da Costa dehan konfiansa povu liu husi votus válidu mak determina nia susesu ba lideransa eleitu nune’e nia sei kuidadu konfiansa ne’e ho responsabilidade kria amizade ho hakmatek nune’e buat hotu sei lao ho diak
” Primeiru votus ne’ebe mak komunidade Foho Ai-lico fo ona mai hau, hau sei uja laos sai hanesan Oportunidade, hau uja sai hanesan responsabilidade iha Foho Ai-lico hau nia programa prioridade atu mobeliza ka kria páz no estabilidade iha Suku Foho Ai-lico, ho razaun ida ne’ebe forte, hau hanesan joven ida atu kompete ba iha suku sai nudar eleitu ba iha Suku Foho Ai-lico ida ne’e hakarak buat hotu lao ho diak”. Nia dehan hafoin simu pose tersa ne’e iha Ainaro
Tanba ne’e nia agradese ba eleitór sira ne’ebe fo konfiansa no nia husu atu servisu hamutuk ba futuru
“Hau nia liafuan agradesimentu ba iha hau nia inan aman maun alin sira hotu iha Suku Foho Ailiko ne’ebe mak fo ona konfiansa bo’ot ba hau hodi lidera iha suku Foho Ai-lico hau mesak sei labele imi mai hamutuk ho Hau ita la’o ba oin”. Hatutan Sefe suku Eleitu Foho Ai-licu
Tuir mandatu xefe suku eleitu sira sei lidera suku durante tinan hitu ba oin
STJ:Lina/Cacio.
Editor : Lian Orluli
