Lian Orluli— kompania Ainaro Bobonaro (AIBO) Unipesoal Limitada finaliza ona konstrusaun postu saúde ne’ebé lokaliza iha Suku Manutaci inklui hela fatin rua ba médiku sira.
Bazeia ba konstrusaun postu saúde Manutasi no hela fatin rua ne’ebé finaliza ona husi kompania Aibo Lda iha sesta (19/04//2024) ne’e Prezidente Autoridade Munisípiu Ainaro Manuela Georgina Bucar Corte-Real to iha terrenu hodi observa direta progrsesu husi konstrusaun postu saúde ne’e.
Prezidente Autoridade Munisípiu Ainaro Manuela Georgina Bucar Corte-Real hateten, maske kompania finaliza ona obra postu saúde Manutasi, maibé autoridade rekomenda kompania aibo unipesoal limitada atu kompleta fasilidade hanesan kadera no meza nune’e bele intrega ona ministériu saúde hodi utuliza ba tratamentu saúde komunidade.
“Postu saúde ne’e hari husi kompainha AIBO, projetu ne’e iha tinan 2016, ohin ita mai atu konfirma didi’ak katak verefika projetu ne’e hotu ona ka seidauk na- realidade fizikamente hotu ona 100%, maibé hein de’it atu hatama ekipamentus kadeira no meja ne’ebé tama iha lista, kompani a tenki oferese”,dehan Prezidente Autoridade Munisípiu Ainaro Manuela Georgina Bucar Corte-Real.
Aleinde ne’e PAM rekomenda ba kompania atu dada redi haleu postu saúde Manutasi ne’e.
“Hanesan iha resintu postu saúde ne’e ohin ita hare’e iha animal hanesan karau no kuda kesi iha resintu postu saúde, entaun kompania tenki d ada haleu tan redi”,dehan PAM Manuela Georgina Bucar Corte-Real.
Diretúr kompania Aibo Unipesoal Limitada Júlio Da Conceição Loro Mesak klarifika, tuir lolos projetu ne’e finaliza ona iha tinan 2017, maibé atu hahú konstrui postu ne’e hetan impedementu husi rai na’in no seluk tan. Ikus mai projetu ne’e foin finaliza iha fulan Abril tinan ne’e.
“Projetu hahú iha 2016 to’o ohin loron ita foin finaliza, tamba hahú asina kontratu, ita iha kedas problema kona-bá rai, rai na’in iha depois la hatan, ikus mai dada to’o fulan lubuk ida, depois tuir fali mai teste sampel ba rai kleur ida tan. Hafoin ami hahú servisu badaen ba belanja lori osan halai lakon tiha”,Klarifika Loro Mesak.
Entertantu konstrusaun ba postu saúde Manutasi no uma hela rua ba médiku ho valor orsamentu 211.970.88.
Postu saúde ne’e ho sala tratamentu, no fatin sanitária ba feto no mane.
Jornalista: Irene Tael
Editor : Lian Orluli
