Lian Orluli- Iha Eskola Sekunadária Fernando La sama Ainaro estudante sira partisipa 100% tanba hetan apoiu emerjensia husi edukasaun, kadeira no meza ba iha eskola refere
“Estudante ne’ebe mak tuir ezame nasionál 2024hamutuk 566, kompostu husi mane 306, feto 260, iha ne’e fatin sufisiente hela tanba hetan apoiu husi edukasaun emerjensia kadeira, meza ba estudante sira tuir ezame” dehan Diretor eskola refere Antonio Calapes.
Diretor ne’e mos subliña, estudante sira ne’ebe antes ne la liu ezame nasionál tinan kotuk mos partisipa hikas iha ezame tinan ne’e
“Iha ne’e 29 salas ba estudante sira hodi partisipa iha ezame nasionál, ami koloka estudante 40 pesoas iha sala ida tanba sala mak limitadu tebes, alende ne’e ho estudante ne’ebe mak iha tinan kotuk la pasa agora dadun sira partisipa hotu iha ezame nasionál, ami la identifika lolos tanba sira balu transferensia tiha ba eskola seluk no barak mak iha ne’e hodi tuir ezame nasionál” nia hatutan
Iha parte seluk estudante Madalena Ximenes Santos nia parte agradese tanba durante tinan tolu halo estudu iha eskola Fernando Lasama de Araujo ohin bele tuir ezame nasionál no nia hatutan tan foillas ne’ebe ezame sente diak tanba materia la ses husi professor/a sira fo
“Hau agradese tanba ohin partisipa iha ezame nasionál ne’e diak tanba durante tinan tolu hau hala’o hau nia estudu iha eskola Fernando Lasama de Araújo hau hakarak atinje duni hau nia objetivu ne’ebe mak iha senti satifas no agradese wain ezame ida ne’e sente hanesan bain-bain hanesan iha 3ciclo hau hasoru ona no foillas ne’ebe ohin hau ezame ne’e diak tanba materia ne’ebe Professor/a sira fo bain bain iha aula“, estudante ne hakotu ba jornalista Lian Orluli hafoin remata oras ezame nian iha eskola fermadu Lasama Ainaro ohin.
Total Estudante ne’ebe partisipa ezame ba loron ohin hamutuk 566 kompostu husi feto no mane, husi númeru ne’e sala ida kompostu husi estudante 40 tanba fatin la sufisiente atu koloka estudante sira ho naton.
Jornalista: Irene Tael
Editor: Lian Orluli
