Lian Orluli—Ensino Báziku Filial ( EBF) 1,2 Talale Menus Professores no mós iha de’it sala de aula tolu ne’ebé la sufsiente atu hala’o aprendizazem ba estudante hamutuk 113 .
Direktur Edukasaun Munisípiu Ainaro Patricio P. Magno informa , durante ne’e iha de’it professora permanente na’in rua de’it, governu liu hhusi ministeriu edukasaun foin koloka tan professor na’in haat hodi apoiu no garante qualidade edukasaun ba estudante sira iha EBF 1,2 Talale.
‘’Ohin mai visita eskola EBF Talale ne’e bé mak iha areas remotas tebes atu mai fo corazem ba ita nia manorin sira atu nune’e sira bele hala’o sira nia dever no mós responsabilidade ida ne’e, ita mós iha vosso kandidatu iha Segundo etapa vice ministru edukasaun koloka ona manorin nain haat mai apoiu tan iha eskola EBF Talale ne’e. Iha ne’e manorin nain rua de’it, no sira nain haat mai tan hamutuk sira nain neen. Ko’alia mós kualidade edukasaun atinje ona nia objetivo ba iha kualidade ida ne’e”. Direktur Edukasaun Munisípiu Ainaro Patricio P. Magno ,hateten.
Direktur Edukasaun Munisípiu Ainaro, fundamenta . “Ita hatene katak vosso Segundo etapa husi ministru edukasaun ita la fo ona vantajen ou oportunidade ba manorin sira atu muda husi eskola ida ne’e sai ba munisípiu seluk ne’e la fo autorizasaun ministru edukasaun , se mak hakarak muda ba munisípiu seluk, hetan autorizasaun husi ministru edukasaun katak bele hatama karta designa an deit bele tamba ne’e oportunidade di’ak ba sira , iha postu nia laran atu halo mudansa ba sira ”. Patricio manifesta .
Husi visita ne’e Direktur Edukasaun Munisípiu Ainaro mós halo observasaun direita ba kondisaun infraestrutura iha EBF 1,2 Talale ne’ebé iha de’it sala tolu, nune’e Direktur Edukasaun Munisípiu Ainaro ko’alia mós ho komunidade no autoridade suko sira hodi hare kona ba asuntu rai hodi konstroi tan sala de aula iha EBF 1,2 Talale.
“Infraestrurura eskola Talale ne’e ha’u hare direta eskola ida ne’e iha de’it sala tolu iha kondisaun ida ne’ebé mak ladun sufsiente ba sira, ha’u koalia ona ho komunidade no mós cfehe do suko kona ba rai ida ne’e hodi fornese ba estadu atu nune’e halo karta deklarasaun ba estadu liu husi diresaun munisípais bele tau iha planu atu bele hare ba sala tolu,
Aleide menus professores, sala de aula, eskola EBF 1,2 Talale ne’ebé hari iha 2006 to’o agora sei menus fasilidade hanesan kadeira no ,meja atu fasilita prosesu aprendizajem ba estudante hamutuk 113.
“Kadeira ho meja sei failansu barak hela hatene katak ami ne’e iha area rural ou area ida ne’ebé mak dok husi munisípiu no mós ho kondisaun Estrada ne’ebe mak ho kondisaun la di’ak, ne’e mak kondisaun ne’ebé real ami komunidade hasoru , hare ba kadeira no meza ne’ebé mak failansu barak iha ita nia fatin no mós eskola ne’ebé mak ladun sufiesente ba estudante sira atu aprende, no iha ne’e total estudante hamutuk 113, eskola ne’e harii iha tinan 2006 to’o agora fatin mak hanesan ne’e hodi estudante sira aprende.” cordenadora eskola EBF 1,2 Talale Sra. Mariana da Conçeição ,Deklara
Jornalista : Carme de Jesus Flora
Editor : Lian Orluli
