Lian Orluli— Tinan ne’e Partisipasaun Komunidade Ainaro iha eventu selebrasaun 49 anus, aniversáriu Timor-Leste Indenpensia, iha Ainaro komununidade balun louva tanba helik iha mahon hodi ajiste serimonia isar Bandeira maibe xefe suku balu kestiona komisaun tanba laiha tenda ba xefe suku no populasaun suku hitu iha Ainaro, see deit loromanas hodi ajiste serimonia isar Bandeira
Tuir xefe suku Suro Craic Ronaldo Soares Kestiona, kada tinan Autoridade konvida povu husi suku mai see deit loromanas no la iha be’e ruma ba komunidade no xefe suku sira ne’ebe husi Suku mai, tanba ne’e nia rekomenda ba komisaun atu iha eventu mai prepara tenda mahon ba sira, nune’e nia espera sei diak iha futuru
“Hau hanoin 2024 ne’e iha mudansa signifikativo tanba iha momentu ne’ebá ita nia oan barak mak la hatene saida mak loron Proklamasaun da independensia mais agora sira komprende mudansa lubuk ida mak ita haree ita fiar katak ba futuru diak liu fali ida ne’e, iha ida seluk hau hanesan Ainaro oan no líder komunitariu ida atu rekomenda hela ba Autoridade Munisípiu Ainaro, katak formasaun ida isar Bandeira ne’e kapas lo’os, tenki prepara mos fatin ba Suku hitu ne’e, fatin imi harii tenda ne’e kapas tia ona ba ema hotu mos ami Suku hitu ne’e lori ami nia komunidade mai hamriik see lo’os loron manas, iha tinan ida mai Autoridade sira konvida ami ba iha oin tinan ida mai sira haluhan tia ami see deit loron manas hamutuk ho ami nia komunidade sira, ema ida nuka ba hasee ka lori netik be’e ruma ba ami ho komunidade sira mos lae, se ita halo mudansa ita presiza halo mos buat hanesan ne’e, atu rekomenda hela ba PAM Ainaro no mos ba ita nia APA iha planu ida hatoo ba komisaun organizadora prepara fatin ida ba suku hitu ne’e , Ezemplu sira halo tenda ne’e tau tia ba jerál ba ami Suku hitu ne’e mai se deit loron manas, ida ne’e ba hau satisfas”, xefe ne’e kestiona.
Hatan ba kestaun ne’e Xefe komisaun atual Administradór Postu Ainaro Villa Jery Manuel Magno rekoiñese, karik ne’e failansu husi tékniku komisaun, la iha kordenasaun nune’e komunidade hamriik iha loromanas
“Sira nia fatin iha tenda ne’ebá ida formatura ne’e ekipa isar Bandeira no pelataun sira mak tama formatura ne’e mak ema dehan serimonia Clne, Ijidensia suku sira deskulpa tanba kesalahan teknik, komisaun ida organiza ne’e mak dalaruma laiha liña kordenasaun, ikus ita nia Suku sira mai hamriik hamutuk fali ho Komunidade sira iha formatura ,sira nia fatin iha kotuk para atu bele ejiste de’it formatura ne’e Estudante no Funsionariu sira mak tama iha formatura lolos ne’e hanesan ne’e, hau hanesan prezidente komisaun husu deskulpa buat sira hanesan ne’e ba oin ita sei hadia komunikasaun loron bo’ot ne’e sei la pra deit iha ne’e tinan-tinan ita sempre komemora, sira nia lamentasaun ne’e ita simu ita sei hadia diak liu tan iha tinan oin mai, Autoridade Munisípiu Ainaro ami nia mandatu foin tinan ida ne’ebé tinan ida ne’e ami sei la bele halo buat hotu-hotu,neneik tinan ida ne’e la akontese tinan oin mai sei akontese tanba planu tia ona“, Autoridade Postu nee hakotu ba Jornalista Lian Orluli
Maske tenda mahon ba Xefe suku no Povu husi suku hitu ne’e laiha maibe komunidde sira nafatin firme ho pozidaun hodi asiste selebrasaun aniversariu Timor-Leste Independente ne’e iha Ainaro to’o remata no Selebrasaun ne’e Lao ho diak.
Jornalista: Pedrolina Da Costa.
Editor: Lian Orluli
