Ainaro Lian Orluli-6-09-2022- Sarani husi paroquia Ainaro kuaze atus rua resin iha tersa feira ne’e desloka ba Díli hodi partisipa misa agredesimentu dom Vergílio do Carmo Cardeal da Silva iha Tasitolu
Amu paroku Ainaro Armindo Brito Moviliza Sarani husi Paroquia Ainaro iha tersa feira mais ou menus tuku 9:00 dadersan aranka ba Díli hodi partisipa misa agredesimentu Amu Dom Vergílio do Carmo Cardeal da Silva iha Tasitolu Díli
Ba jornalista orluli Amu paroko Ainaro Armindo Brito hateten senti kontente ba maromak ho santu padre nia matenek bele hili Timor oan ida sai Cardial ne’ebé sai momentu di’ak no marka istória Timor-leste
“kontente ba maromak ho santu padre nia matenek bele hili Timor oan ida sai Cardial ne’ebé sai momentu di’ak no marka istória iha Timor-leste tamba ne’e husi paroquia Ainaro ami moviliza grupo kategorial sira no srani sira ba paratisipa misa agrdesementu iha Dili Tasitolu”. Katak Amo paroquia santa Maria Ainaro Armindo Brito baihira moviliza hela sarani sira ba Dili
Alende ne’e Komandante operasaun PNTL Munisípiu Ainaro Inspetór Tomas Yosep hatutan husi komando PNTL Ainaro koloka seksaun ida husi tranzitu no task force sei eskolta kareta 8 husi Ainaro ne’ebé tula sarani 200 resin husi Ainaro too Díli.
“Husi komando PNTL Ainaro koloka seksaun ida husi tranzitu no task force hodi eskolta kareta 8 husi Ainaro ne’ebé tula sarani 200 resin husi Ainaro too Díli. Bainhira misa remata sei akompanha hikas sarani sira fila mai Ainaro”. Dehan Inspetór Tomas Yosep ba jornalista
Enkuantu eminensia Dom Virgílio do Carmo Cardial da Silva hetan investidura husi Santo Padre Francisco iha loron 27 fulan agosto tinan 2022 igreja evanjelikasaum São Pedro Vaticano Roma hámutuk ho Cardial Rua Júlio seluk husi Nasaun sira kontinente Amerika, Africa no Asia
No Dom Virgílio do Carmo Cardial da Silva tô iha díli iha segunda semana ne’e ho aviaun Euro Atlantic ne’ebé simu antosiasmu husi sarani sira
Editor: Lian Orluli
