Ainaro Lian Orluli-09-09-2022- Adjunto administrador munisipiu Ainaro, José de Araújo nia mate halo komunidade sai hakfodak tanba iha kinta feira horseik sei koileta hela ikan iha Aldeia Sabagu-lau suku Ainaro, maibé iha sesta feira ne’e rona fali Adjuntu Administradór Ainaro José de Araújo os kotu.
Kronolojia husi Mouzinho Joel da Costa Araújo núdar adjuntu administradór munisípiu Ainaro José de Araújo nia alin mane haktuir, antes ne’e iha kinta kalan Adjuntu Administradór munisípiu Ainaro sei halo hela konverse ho família uma laran hahú iha tuku 7:00 kalan to’o tuku 11:00 kalan hafoin deskansa maibé tuku 05: 00 madrugada Adjuntu Administradór munisípiu Ainaro José de Araújo sai ba haris fatin hafoin tama uma laran monu derpente iha uma laran familia foti sae atu trasnporta ba Hospital maibé to’o iha Hospital Adjunto Administradór laiha ona iss, família lori fila mai uma.
Mouzinho Joel da Costa Araújo akresenta antes ne’e mós nia maun José de Araújo sofre moras ran midar maibé buat hotu planu maromak.
“iha oras Timor leste mais ou menus tuku 05: 00 madrugada mana ho mau sei ba haris fatin hafoin fila maun hetan ataka iha kuartu laran, tuir kronologia ne’ebe ha’u hetan husi mana, maun kaer mana nia liman baihira sira atu kontinua ba deskasan no maun bolu mana nune’e mana hakfodak fila hare maun ho kondisaun ladun diak ona no mana bolu kedas ha’u iha momentu neba ha’u ba hare kedas maun iha kuartu laran akontese maun ho kondisaun la bele atu koalia ona no ibun tos hotu nune’emos liman ain mamar hotu, ho akontese ne’e mana mos bolu ha’u iha kurtu sorin ba hare maun bahira ha’u kaer maun nia liaman maun kondisaun ladiak ona no ha’u konsege buka tuir maun nia denyut nadi laiha reasaun no ha’u rasik konsege nia fuan hetan reasaun nikis dala ruan de’it no lakon fila-fali, tanba ne’e ami familia lori ba hospital maibé la konsege atu saliva,” Haktuir matebian nia alin Muzinho Jeol ba jornalista iha matebian nia rejidensia.
Iha fatin hanesan Administradór Munisípiu Ainaro Leovegildo Amaral Pereira lori funsionario tomak Administrasaun munisipiu Ainaro hato’o sentidu kondolençia ba familia tomak Adjuntu Administradór munisípiu Ainaro José de Araújo
“Ha’u senti triste tebes tamba lakon ona ema diak ida iha Munisipio Administrasaun Munisipio Ainaro, durante ne’e matebian sempre kopera ho ha’u diak tebes durante nia aume kargu fulan 7 nia laran ema ne’ebe kumpridór servisu no la hatene kolen no nia sempre kontrola servisu iha Administrasaun nian iha munisipio to ba Postu, tamba ne’e ami lakon ema diak ida iha administrasaun munisipio Ainaro,” Katak Administrdaor Munisipio Ainaro Leovelgildo Amaral Pereira.
Leovegildo senti lakon nia ema di’ak ida ne’ebé mak durante ne’e núdar adjuntu administradór munisípiu Ainaro, mate isin sei halot tuir tradisaun estadu nian, maibé sei hein orientasaun husi Ministériu Administrasaun Estatal.
Enkuantu matebian José de Araújo antes ne’e servisu iha ministériu Agrikultura Peska munisípiu Ainaro hafoin tuir teste hetan selesaun husi MAE, José de Araújo asumi kargu núdar Adjuntu Administradór Munisípiu Ainaro hahú iha fulan Fevreiru Tinan 2022, maibé buat hotu planu maromak ninian ikus mai Adjuntu Administradór Munisípiu Ainaro José de Araújo tenki husik hela funsionario no komunidade Ainaro hodi fila hikas ba aman maromak nia kadunan santao
José de Araújo oan husi António de Araújo no Sancha Guterres núdar oan ba da rua husi maun alin nain hitu, José de Araújo lakon vida hodi husik hela nia fen kaben no oan nain lima no beian na’in tolu.
Editor : Lian Orluli
