Lian Orluli—Prezidente Partidu Kmanek Haburas Unidade Nasional Timor-Oan (P-KHUNTO), Armanda Berta dos Santos, sábadu (15/10/2022), hili lideransa Klibur Intelektuais Profesional KHUNTO munisípiu Ainaro liu husi kongressu loron rua hodi prepara hasoru ELPAR 2023.
Hafoin konferénsia Nasionál Partido KHUNTO ninian iha palasiu KORK Ainaro hahu iha Sesta remata iha Sábado Semana ne’e, kongresista sira partido KHUNTO husi Munisipiu 13 no inklui RAEOAdeside hili Ilido de Araujo sai hanesan Prezidente KIP, no Antonio Guterres núdar Sekretriu Jeral KIP.
Estrutura KIP hili husi pakote úniku liu husi reuniaun Lider Supremiu Partido KHUNTO José dos Santos Naimori Bukar ho konselleru Nasional sira hotu hodi deside aprezenta meza no kongresista sira votu maioria ba pakote husi lider másimu partidu refere.
Prezidente Partido KHUNTO, Armanda Berta dos Santos husu ba Estrutura KIP , ne’ebe eleitu atu bele hala’o kna’ar ho diak liután ba tinan 5 no bele habelar servisu Partido KHUNTO ba oin.
“Husu ba estrutura KIP foun no estrutura KIP sesante, ita halo tuir ita nia estatu partido KHUNTO katak kada tinan 5 ita tenke re-eastrutura fila fali, entaun hahu kongresu ba-daruak ohin hodi forma ita nia KIP eleitu atu bele halo servisu di’ak liután ba iha futuro, para partido KHUNTO atu habelar diak nia servisu ba oin, presija atu rona, ko’alia hodi foti desizaun lolos ba partido KHUNTO,”katak Prezidente KHUNTO ne’e.
iha fatin hanesan lider Supremu Partido KHUNTO José dos Santos Naimori Bucar husu ba estrutura KIP foun atu enkoraza Komunidade atu hamutuk ho KHUNTO, tanba Partido KHUNTO defende lia los no tane o lisan Inklui harii Paz iha nasaun ne’e hodi hasoru eleisaun parlamentár tinan 2023.
“Estrutura KIP hamutuk ho koordenador Suku, Posto no Munisipiu, iha Sabado ho Domingo ba hamutuk ho povu no familia hodi Fo hanoin ba Sira katak KHUNTO Nia luta buat los, no Kunto Nia filosofis Tane O Lisan tane O Rai no Tane O Emar, no liafuan tolu ne’e sai fé esperansa no karidade ,Fe katak Ita hotu iha fiar ida hodi Servisu hamotuk, Esperansa katak Ita esforsu Ita nian Aan Ita Nia matek Servisu hamotuk hodi manan karidade katak Ita sei Ajuda malu ba Sira Ne’ebé Mak la iha Forsa iha loron ida, entaun ho Ida ne’e Mak Ita tau hamotuk FE karidade Esperansa no karidade, tane O Rai, tane O lisan tane O Emar,” Naimori fundamenta.
Prezidente KIP Eleitu, Ilidio de Araujo hateten eatrutura foun sei servisu hamutuk ho inteletuais sira hodi lori Partido KHUNTO ba oin hasoru eleisaun parlamentar 2023,
“Depois de ami simu pose iha buat tolu Mak Ami presija tane mak hadia hametin no hatutan, signifika ami la mesak halo buat tolu ne’e sei buat ne’ebe mak diak Ami mantein no Ida ne’ebé mak la diak ami hamosu hodi Servisu hamotuk ho intelektual sira husi munisipiu hotu, maibé smi hamotuk 12 iha estrutura KIP ne’e katak atu halo kordena de’it maibé Ita hotu hamotuk atu Servisu makas hanesan Ema intelektual Partido KHUNTO,” Naimori hakotu.
Jornalista : Sarah Lewis/ Uka Silva
