Lian Orluli—Sarani Paroquia Imaculado Corasao de Maria Maubisse(PICOMA) selebra aniversáriu ba dala 40 ho serimonia Kultural Intrega Fahi ulun, hodi hametin Fiar iha naimaromak ho kultura.
Serimonial ne’e partisipasa husi suku 9 kompostu husi Postu administrativo Maubisse, iha serimonial tradisional ne’e iha tipu serimonial oin rua, serimonia han aihan lokal, no serimonia ritual entrega Fahi ulun.
Hafoin Missa solenidade ba loron padrueru remata, kuntinua kedas ho serimonial han hain lokal iha lafatik no hemu tua mutin iha kopu halo husi ai-au ne’ebé prepara iha Koridór resintus Igreja oin, hafoin hakat ba iha serimonia Ritual intrega fahi ulun ba suku seluk ne’ebé sai hanesan responsabilidade kultural durante tinan ida nia laran, iha proquia PICOMA.
“ Atu dehan deit katak selebrasaun festa fahi ulun mai husi esistensia paroquia ne’e mosu, ami nia paroquia ne’e ejiste iha tinan 1983 mai to iha 1997, ita nia atual Bispu Deseze Maliana Dom Norberto do Amaral bolu hamotuk autoridade lokal sira, iha tempu ne’ebá hamotuk ho sarani sira hotu enkontru hodi diskute atu foti netik meius balun hodi hametin relasoens entre Igreja ho kultura, tanba ne’e maka iha tempu ne’ebá Dom Norberto hamotuk ho autoridade lokal sira iha tempu indonesia ninian hahu harí festa Fahi Ulun ligado ho festa Padrueru PICOMA nian, ho objektivu katak depois de selebra missa eukaristia hotu sei iha festa divertimentu kultural iha igreja oin atu nune’e bele kesi kultural ho igreja hamotuk, ho nune’e bele kesi metin sarani sira diverte hamotuk iha Igreja oin hodi selebra festa hamotuk hafoin fahe malu,” esplika sr, Adelino Mendonsa Espiritu Santo, iha ambitu serimonial festa PICOMA no RiTual Kultura Intrega Fahi Ulun.Domingu (17/06/23)
Nune’e nia hatutan “ Iha Postu administrasaun Maubissi iha suku sia, kada suku maka sai hanesan responsabilidade ba fahi ulun kada tinan, no paroquia maka sai responsabilidade masimu hodi intrega Fahi ulun ba suku ne’ebé maka sei responsabilidade durante tinan ida nia laran, no serimonial Intrega Fahi ulun ligado ho kultural Feto-san no Umane tuir tradisaun katak han isin sikat ruin, atu nune’e tinan oin suku seluk mos sei sai responsabilidade hanesan,” sr. Adelino hatutan
Enkuantu serimonial Ritual Intrega Fahi ulun husi Paroquia Intrega ba sarani no lia nain sira husi suku Maulau, Postu Administrativo Maubsse sei responsabilidade durante tinan ida nia laran.
Tuir observasaun Lian Orluli, selebrasaun loron festa Paroquia Imakulado Corasaun de Maria Maubisse (PICOMA) ba dala 40 ne’ebé selebra ho inagurasaun Capela São Mateus Quireleli suku Manetu, husi sua eminensia Dom Virgílio Cardiál do Carmo da Silva, fo Crisma ba krismado hamotuk 200 resin iha loron Sexta 16/06/23, sua Eminensia kuntinua ho Missa Agradesementu bensaun ba estatua Jesus Divina Mijerecordia harí iha foho Edi-lau Suku Edi, iha loron sabadu 17/06/23 to iha loron domingu 19/06/23, Sua Eminensia Kuntinua tan ho missa Tomada de posse no despedida intrega save ho karimbu ba amo paroqu foun PICOMA Pe. Joao Soares nune’e mos fo Krisma ba krimado hamotu 183, hafoin Missa eukaritia remata kuntinua kedas ho han ai-han lokal no selebres Kultural Intrega Fahi ulun ba suku Mau lau
Partisipasaun iha serimonial ne’e, Ministru Edukasaun no Ministro CLN autoridade lokal Munisipio Ainaro no Autoridade Seguransa, APC Munisipio Ainaro, inklui padre no madre sira, ho sarani PICOMA.
Editor: Lian Orluli
