Lian orluli— Janeiru to fulan Junho tinan ne’e ekipa servisu Gurda Floresta Postu Hato-Udo Munisipio Ainaro, hatama reseitas ba kofre estado hamotuk $20,000 liu husi prende makina Motseral 5 no prende ai ilegal kubik 15, inklui reseitas husi kompania komersial 11.
Ba lian orluli Kordenadór Guarda Floresta Postu Hato-udo, Juanico da Silava Machado, hateten, durante ne’e hetan prede makina Motaseran ilegal 5 prende aramas Barankas (senapan) 2 no Ai 15 maka rejistu Ilegal, inklui mos reseitas husi Kompania Komersial nian.
“ Hahu husi fulan Janeiru mai to iha fula Junho ne’e ami prende makina Motaseran 5 selu taxa ka multa kada makina ida selu $300 no ai kubik 15 konsidera ilegal selu taxa $350,00 kada kubik ida, no hetan mos taxa husi kompania komersial 11 ne’ebé kua ai no selu taxa ba estadu kada kubik ida iha $ 25, total husi ne’e maka hamotuk $20.000 hatama ba kofre estadu husi fulan Janeiru to Junho 2023,” Esplika Kordenador Gurda Floresta postu Hato-udo Joanico,segunda (26/06/23)
Nune’e mos nia hatutan alende prende ba makina motaseran no kua ai ilegal, iha mos armas brankas maka hanesan (sanapan) 2 husi komunidade sira.
“ Iha ita nia lei 17/2000 bando ba sidadaun sira atu labele utilija armas branka hodi halo movimnetu ba mai iha vila nune’e mos tiru animal fuik iha ailaran, tanba ne’e bazeia ba lei refere ami prende sidadaun sira nia armas brankas 2 ona iha postu Hato-udo, no sasan sira ne’e ami identifika mesak ilegal hotu agora ida lori ona iba iha nasional no ida ami intrega iha Komando PNTL Munisipio Ainaro foin lalais ne’e,” Kordenador Postu Guarda Floresta ne’e hatutan.
Enkuantu Guarda Floresta Postu Hato-udo estabelese iha tinan 2021, no halo kontrolu ba iha area protezida foho husi parte foho Kablaki no area protezita tasi nian maka Bikantidi tasi Ibun, postu administrativu Hato-udo nian.
Editor : Lian Orluli
