Lian Orluli—NGO International, Plan International iha Timor-Leste hala’o kooperasaun ho Média Lian Orluli realiza Treinaméntu konabá Safeguarding and Preventing Sexual Harassment Exploitation Abuse (PSHEA) iha Munisípiu Ainaro.
Ba Lian Orluli, reprezentante Administradór Xefé Gabineti Administrasaun Munisípiu Ainaro Bernardino Barros Pereira Hateten, formasaun PSHEA ne’e importante tebes ba Jornalista sira tamba sira mak sai mediadór ba Kazu ka informasaun ne’ebé mak akontese iha Munisípiu Ainaro.
“Formasaun sexual harassment ne’e importante tebes ba joranlista sira, tanba sira mak sai mediador ba kazu ka informasaun ne’ebé mak akontese iha suku, maibé la’os akontese de’it ba feto, maibe mane ho feto mas kontribui ba sexual harassment, ne’e liu husi buat ki’ik mak bele sai ba bo’ot, maibé ha’u husu ba ita bo’ot sira tenki durante loron rua ne’e tenki aproveita ho di’ak, hodi implementa iha tereinu”. Reprezentante Administradór Xefe Gabineti Administrasaun Munisípiu Ainaro Bernardino Barros Pereira, hateten iha abertura ba formasaun PSHEA iha Salaun CNE iha Segunda ne’e (07/08/23).
Iha fatin hanesan Ponto Focál Salvaguarda Labarik no Joven sira no formador husi Plan International Delsio Guimarães, apresia tanba Mídia sira iha komitméntu no prontidaun hodi organiza aktividade treinamnetu sira ligadu ho Salgaguarda labarik, Asediu Sexual, Eploitasaun no Abuzu ba Jornalista sira no Juventude sira.
“Husi Plan International agradese ba ita bo’ot sira nia komitmentu, prontidaun hodi organiza aktividade ne’e atu Plan International bele mai fasilita formasaun kona ba Salvaguarda no PSHEA, tanbá ida ne’e importante tebes, iha ita nia Nasaun sempre akontese hela de’it kazu sira hanesan abuzu Sexuál, Asedu sexual, tanbá ne’e liu husi formasaun ne’e bele prevene ita bo’ot sira nia a’an konabá Asedu Sexual no abuzu sira’’.dehan Pontu Fokál Salva Guarda, Delsio
Entertantu aktividade formasaun ne’e realiza ho nia objetivu mak atu hasa’e kuñesimentu no kapasidade inklui aumenta referensia sira ba Kursuante sira ne’ebé aprende Jornalismu baziku iha Mídia Lian Orluli inklui Joven sira husi Centro Juventude Munisipiu Ainaro no membru Voluntariu sira husi CVTL iha Munisipiu Ainaro.
Formasaun ne’e halao duraten loron rua, hahu dia 07-08 fulan Augusto tinan 2023, iha Salaun CNE Munisipiu Ainaro ne’ebé hetan paritipasaun husi ema nain 40.
Editor : Lian Orluli
