Lian Orluli — Comite Central Fretelin (CCF) domingo ne’e promove lei n⁰.9/2016 ba estrutura Lideransa Komunitáriu Aldeia Ailora,Suku Foho Ailicu, Postu Administrativu Hato-Udo, kona ba eleisaun suku ne’ebé sei akontese iha Loron 28 Fulan Outobro tinan 2023.
Ba Lian Orluli, Vice CCF Antonino Bianco hateten Objectivo dezamina Lei refere ba lideransa komunitariu sira hodi prepara estrutura iha baze ba kompete iha eleisaun suku
“Objetivo dezeminasaun konaba lei No.9/2016 eleisaun suku nian, tanba Agora tama ba preparasaun ba eleisaun xefe suku, Xefe Aldeia, Delgadu no Delegada, tanba ne’e konsentra iha estrutura Posto Hato-udo , kordenador Suku Leolima no Foho Ailico no nia kordenador husi aldeia sira ho kuadru politiku sira hodi esklarese konaba preparasaun ne’e oinsa atu prepara kandidatu sira bele partisipa iha Eleisaun lideransa komunitáriu ne’ebé mak iha Fulan Outobro nia laran atu nune’e Estrutura iha baze ne’e bele prepara sira Nia kuadru atu kompete iha eleisaun suku, nune’e kuadru politiku sira labele halo kompete fila fali hanesan partidu fretelin entaun iha konsensus dentru kuadru polítikus sira atu avansa ba iha eleisaun aldeia no suku atu nune’e husi parte politiku bele habelar informsaun sira ne’e iha bazee liu-liu iha aldeia no suku sira bele fo informsaun husi aldeia ba aldeia uma ba uma atu nune’e povu bele tau fiar ba kanditu ne’ebe mak diak hodi ukun iha suku ne’e“. Vice Ajunto CCF Antonio Bianco hateten iha domingo ne’e (10/09/2023)
Bianco mos Komenta atu hili lider komunitáriu ho estrura ne’ebe kopera ho parte hotu atu bele serví povu ho diak presiza kuadru polítiku iha baze, lia nain no joven sira ativamente partisipa iha prosesu preparasaun, antes tama ba eleisaun
” Desizaun husi Comite Comisaun Fretelin atu nune’e kuadru polítiku hotu ajunto jeral, vice Prezidente partido nian, membru komite jeral, deputado bele tun ba baze hodi fo hatene ba kuadro politiku hotu bele partisipa ativamente iha prosesu preparasaun ba lider komunitáriu sira, tanba ita presija lider komunitáriu sira ne’ebe mak atu hili xefe Aldeia delegadu no delegada nomos xefe suku, lia nain sira juventude sira atu nune’e bele sai Lider komunitáriu ne’ebe mak atu serví povu tuir kna’ar ne’ebe mak sira asume durante mandatu timan 7 nian no ita hein katak sira ne’ebe mak disponivel, dentru kuadru politiku ne’ebe iha atu servi povu no rai iha aldeia, espera bele hala’o koperasaun ho parseiru dezenvolvimentu ONG bele mai iha suku hodi halo dezenvolve rai iha suku rasik tanba ne’e importante maibe ha’u nia toma konta iha Munisipiu Ainaro no Suai hau tama tia ona iha nivel Munisipiu, enkontru mos iha nível Posto rua tanba sira nia envolvimento iha be’e klaru ona tanba ne’e ita bele ba esklarese iha tatin-fatin ne’ebe mak sei halao eleisaun ba suku sira maibe iha buat balun ami sei hato fila fali ba iha governu Liu husi STAE atu hare gila fali tekniku balun hodi hare’e ba eleitores sira hodi esklarese Slsira nia direitu liu husi vota“. Bianco hakotu
Dezaminasaun lei refere atu bele garante preparasaun kandidatu nian molok hatak ba eleisaun suku ne’ebe sei akontese iha fulan Outubru tinan 2023 iha munisipiu hotu liliu iha munisipiu Ainaro
Editor : Lian orluli
