Lian Orluli – Ministru Asuntu kombatentes Libertasaun Nasionál Gil da Costa Monteiro “Oan Soru” hateten husi iman aman sira nia luta ho ain-tanan mak ohin loron Timor-Leste ukun a’an, tanba ne’e joven sira halo reflesaun hanoin hikas sira nia luta.
“ Inportansia baTimor-oan tomak, ejiste iha mundu tomak kada nasaun ida ejiste ona nia independensia, nia tenki mai ho fundasaun Independensia husi prosesu Timor-leste ninian, proklamasaun independensia Unilateral 1975 mai to’o 28 de novembro 2023 halo ona tinan 48 , tanba iha ne’eba oho ema barak, avo sira ne’ebé mate hotu ona, momentu ne’eba sira kabala lipa, ain-tanan, kumu liman tebe rai, tuku hirus matan, maibe sira mate hotu ona hodi Timor hetan ukun rasik a’an tanba ne’e hau husu ba Joven sira iha Timor laran tomak hodi halo refleksaun hanoin hikas fali aman, inan, avo sira nia terus, nune’e joven sira halibur hamutuk hodi hatete ba mundo katak hau Timor oan’’,. Ministru Asuntu kombatentes Libertasaun Nasionál Gil Da Costa Monteiro ‘Oan Soru’, dehan hafoin kari aifunan ba semitériu Herois sira nian iha Osoário Ainaro segunda ne’e, 27/11/2023
Nune’e “Oan Soru” mos haktuir husi inan aman sira nia luta mak Timor leste hetan ukun no prosesu ida ne’e to’o ohin loron selebra ba dala 48 halo reflesaun atu labele haluhan, soe lakon hamoin aat sira hodi labele mosu tan problema
“ Ohin misa agradesimentu ba selebrasaun loron proklamasaun Unilateral independensia Timor-Leste 28 novembro 2023, depois de misa hafoin lori aifunan ba herois restu mortais hamutuk 20106 mak halot iha ósuario Ainaro tanba ne’e sira nia klamar iha mak ne’e kalae sei sira rona, sira hatene tanba sira mak fundadór ba prosesu hahú hodi halo ona tinan ba dala 48 maibe ita sira sei moris labele haluhan ida ne’e atu sai memoria ida hodi ita hotu-hotu halo refleksaun ba funu ne’ebé naruk no ema barak mak mate atu nune’e ema hotu bele iha sentimentu patriotízmu no Nasionalizmu hodi halo refleksaun ba haluhan kakutan mukit ne’ebe mak kria problema iha rai ida ne’e sira fó a’an ba mate hodi hetan independensia tanba saida mak ita tenki iha hanoin mak tuku malu, odio malu tan deit buat laek ida’’. Nia Hakotu
Enkuantu misa agradesimentu ne’e lao ho diak tanba hetan seguransa masimu husi Autoridade seguransa Polisia Nasional Timor Leste
Jotnalista: Lain Orluli
Editor: Lian Orluli
