Lian Orluli— Motorizada meo beat mutin ne’ebe lakon iha loron 27-10-2023 Iha Salaun tersa ne’e ekipa Servisu Departamentu Investigasaun Criminal Nasional (DICN), hetan fila fali motorizada ne’e iha merkadu Taibessi iha loron 28-11-2023 ho oras 10:10AM ho kondisaun diak maibe xapa mátrikula la kompletu inklui dokumentus lakon hotu no la iha ema ruma mak hein no motorizada ne’e para mesak kompleta ho xavi.
Asuntu ne’e hato’o husi komandante Polisia Sexsaun Tránzitu Sarjentu Xefi Marito Coelho ba jornalista iha nia kanar fatin, nune’emos kalrifika motor lakon laos iha Komfruntu Salaun Paroquai Ainaro, maibe’e lakon iha loron 27 fulan Outubru altura primeira ronada eleisaun suku nian.
“Atu klarifíka fila fali katak Informasaun ne’ebe ita fo sai uluk dehan motor lakon iha loron 11 maibe klarifika lolos katak motorizada lakon ne’e iha loron 27 fulan Outubro 2023 iha altura primeira ronda ba eleisaun xefe suku sira nian motorizada ne’ebe mak lakon iha ne’eba iha loron 28 hetan fila fali liu husi ita nia parseiru servisu sira hetan motorizada ne’e iha merkadu Taibessi Dili hafoin hetan parseiru servisu sira asegura kedas motor no kontaktu kedas hau husi Ainaro hau desloka kedas ba Dili iha loron horseik ho oras 10:10 motor ne’e hau simu fali iha DICN Departamentu Investigasaun Criminal Nasional, tuir informasaun katak motor ne’e ita nia parseiru servisu hateten katak, sira hetan iha merkadu Taibessi foti duni iha merkadu Taibessi altura tempu ema laiha motor ne’e para hela no xave motor mos iha hela motor ne’e entaun sira asegura tea kontaktu ba iha DICN ho mos servisu Sekreta nian lori motor ne’e mai iha Komandu Nasional depois ami ba halo konfirmasaun katak motor ne’e loos duni maibe dokumentus sira mak hanesan Karta Kondusaun,BI, Kartaun Eleitoral, aumezmu tempu hanesan dokumentus iha motor laran lakon hotu kedas, iha ninia Sapa mátrikula mos iha kotuk ne’e ema soe tia hela deit xapa mátrikula oin mak iha,nia xapa mátrikula ne’e maka S 0230 husi sapa matrikula ne’e detenta katak motor mak ne’e karik deskonfia no ikus lori mai iha DICN iha Kai-Koli Dili hau hodi fali dokumentus ne’ebe mak iha UD PALMA nian ba halo konfirmasaun ho numeru MC no numeru SASI hanesan hela signifika katak motor mak ne’e duni”. Sarjetu Xefe polisia ne’e esplika ba Lian Orluli kuarta ne’e iha knaar fatin Komandu Ainaro, 29/11/2023Maske motorizada ne’e hetan ona maibe prosesu buka tuir autor naok motor ne’e nafatin kontinua lao
Nune’e xefi tranzitu ne’e hatutan tan hafoin DICN hetan motor refere halo kedas prosesu investigasaun, no intrega fali ba motor nain
“Motor ne’e iha loron horseik ita halo kedas prosesu investigasaun balu iha DICN iha nasional motor ne’e entrega hela ba nia nain tanba nain eskola hela dalaruma tama Janeiru hanesan iha 2024 nia ba Peskija Eskola UNPAS nian entaun fasilita hela nia iha ne’eba tanba nia difikuldade iha transporte no ami mos prosesu buka tuir Autor naok ten motor ne’e lao nafatin.” Nia hatutan
Ho nune’e nia husu komunidade enjeral atu asegura ida-idak nia veíkulu kareta tantu motorizada .
Xefi Tranzitu ne’e Mensajen “ba komunidade mak hanesan ita hateten fo hanoin ba komunidade hotu iha territoriu Timor espesialmente ba Muniíipiu Ainaro katak, iha Ainaro mos afinal ema Naok ten iha ona tanba ne’e husu ba komunidade sira ita ida-idak asegura ita nia veiklu ho didiak tantu kareta ou motor ita labele hanoin dehan kareta seidauk lakon mos posibilidade bele lakon no lori kareta, motor tenke asegura didiak diak liutan ne’e ba para karik xave tea bulanti motor sira ou kuidadu didiak mos xave motorizada nian atu labele lakon hodi nune’e Evita naok ten sira lae sira aproveita tempu.
Husi polisia informa atu nune’e ita bele buka tuir hanesan ida ne’e ita lansa iha kolega media sira la to fulan ita konsege hetan fila fali motor signifíka ne’e laos polisia nia servisu no entidade hotu-hotu iha ninia kolaborasaun servisu, fasil para ita bele detekta lalais”. Nia hakotu
STJ: Hanya
Editor : Lian Orluli
