Lian Orluli— Responsabel Hospital Referal Maubisse Gabriela da Conceicão Magno dehan sei hasoru difikuldade tanba funsionáriu kontratadu 24 sei remata kontratu iha loron ikus fulan dezembru tinan ne’e 2023 tanba desizaun husi superior sira
“ Ba iha rekursu umanu ita bele dehan katak seidauk sufusente ita sei presija tan ema, tanba total ita nia rekursus umanus ne’ebé mak iha ne’e hamutuk 119 husi ne’e iha funsionáriu permanente iha 97 depois ida kontratadu ne’e iha 24 pesoas mak kontratadu, sira ne’e iha dia 31 fulan ida ne’e kontratu sei hotu entaun ita se’i hasoru difikuldade, sira 24 ne’e mak hapara sira nia kontratu entaun difikuldade ita atu fahe ba iha sala sira tanba ita nia kontratadu sira nee iha medika , parteira, infermeiru , infermeiru ,iha mos tékniku bio medikal sira hadia ekipamentus sira ne’e”, dehan nia
Hare’e ba rekursu ne’ebé menus iha hopital refere, reponsavel nia parte liu husi karta husu estede kontratu ba funsionariu hirak ne’e hodi labele difikulta servisu ba atendimentu pasiénte inklui tékniku ekipamentus sira maibe seidauk iha resposta ruma
“Solusaun ida maka husi hospital ita hatama ona ba iha orsamentu 2024 nian ita hatama fiksu ona iha ne’ebá maibe ita mos halo ona ekstensaun kontratu maibe la’os ami maka disidi maibe ami haruka karta ba sua selensia sira, Ministra ba parte Rekursus humanus nian atu hatutan ba iha sua selensia atu nune’e bele hetan aprovasaun atu bele halo ekstensaun ba sira nia kontratu maibe to ohin ami seidauk rona rezultadu ami koko nafatin atu buka solusaun maibe depende ba iha nai ulun sira nia dezisaun ne’ebe se-karik sira para iha fulan ne’e nia laran ami hasoru difikuldade”, nia hakotu iha intervista ne’e
Dau-daun ne’e iha hospital Referal Maubisse total Funsionariu hamutuk 119 kompostu husi permanente 97 no kontratadu 24 maibe husi númeru ne’e kontratadu 24 sei termina kontratu iha 31 dezembru tanba desizaun IX governu
STJ: Marciana Soares
Editor: Lian Orluli
