Lian Orlul— Autoridade Nasional Minarais (ANPM) Sei Halo Retiru Durante Loron Tolu Iha Fatin Turismu Komunitariu Rabilau Maubisse hodi hasa’e orasaun hamotuk ho familia iha Santuariu Nain feto de Graca Rabilau, iha semana Adventu ne’e.
Tamba ne’e ekipa husi Autoridade Minarais observa ona fatin retiru nian nune’e ekipa halo sorumotuk ho lideranca komunitáriu suco Maubisse villa no jestor WARDA hodi informa konaba objektivu husi ekipa ANPM nia prezensa iha Maubisse no sei halo retiru iha loron Adventu nian ne’ebé sei realiaja iha Rabilau.
Reprezentante Autoridade Nasional Minarais, Gustavo Soares hateten, ho paisagen Raibilaun nia ne’ebé furak, tanba ne’e ekipa deside sei halo retiru semana adventu nian iha fatin refere hamotuk ho familia nune’e mos hodi promove fatin ne’e
“Ha’u foin mak primeira vez halao vijita mai iha ne’e, ami hare katak fatin ne’e natural no furak demais, tamba nia pajazen furak tebes. Ami sei mai iha ne’e ho ema lubuk ida, no familia lubuk ida mos sei mai iha ne’e, tamba ne’e ho ami nia prezensa bele promove mos fatin ne’e ba ema seluk no ami nia familia, nomos ba Timor oan sira ne’ebé maka gosta fatin Turismu”. dehan Gustavo Soares, Hafoin vijita Fatin Tuirsmu komunitraiu Rabilau Maubisse, ba fatin Retiru
Reprejentante governante ne’e rekoñese Maubisse Koñecido ho fatin turismu no fatin hortikultura, laos iha sidade Maubisse deit, maibe’e iha foho lolon sira ne’ebe infeita ho aihoris no fatuk ho inur mesak furak. Husi matan nia sasin furak, no Maubisse soi duni ba fatin turismu no fatin ba horti kultura, hodi dada ema lubuk hakat-an ba vijita Maubisse.
Entertanto retiru ne’e sei hala’o perante loron 3 hahu husi 13 to 15 fulan ne’e, sei prejide husi Padre Eugeniu Redentor, Vigariu Paroku Ainaro iha fatin turismu komunitariu Rabilau Maubisse, nune’e mos vijita fatin Turismu komunitariu Rabilau Maubisse.
Jornalista : Joanina/Marciana
Editor : Lian Orluli
