Lian Orluli— Estudante Eskola Sekundária Jeral Fernando Lasama de Araujo Ainaro, (ESGFLA), Patricio Pereira Bria nia parte la satisfaz tanba durante prosesu estudu hetan klasifikasaun diak maibe iha lista husi Ministeriu Edukasaun ne’ebé anunsiu iha loron 14 fulan dezembru tinan ne’e la passa ezame nasionál
Relasiona ho kestaun ne’e Patriçio ejiji Ministériu Edukasaun atu fahe fila fali foilla ezame nian atu bele hatene razaun la pasa ezame nasionál ne’e
“Ami la simu tanba depois naran anunsiu sai ami nia valor ezame nasionál la fo sai,tanba ne’e ami husu fo sai ami nia foilla exame nian no valor sira, atu nune’e ami bele hatene, karik husi ami nia valores sira balun maka la sufesiente, hodi ami la pasa ne’e, No ami nia lista naran ne’ebé fo sai husi ministériu edukasaun, konsidera la los, presiza hadia no vetifika lai tanba maioria estudante sira ne’ebé la pasa kuaze klasifikasaun mesak diak”. dehan Patricio ba Jornalista Lian Orluli hafoin partisipa anunsiu rezultadu final ezame nasionál iha eskola ESGFLA
Hatan ba kestaun ne’e Diretor ESGFLA Ainaro Armando Ferreira rekoiñese no konsidera ministériu edukasaun kria obstaklu ba manorin sira tanba la verifika ho diak
“Ami hasoru dezafius no obstaklu bo”ot tebes iha ne’e, lista ne’ebé fo sai la liu husi ami atu nune’e ami bele verifika ho lolos, ami anunsiu naran ba inan aman sira tuir lista husi ami nia eskola, estudante nain lima maka la passa, sira ne’e kompostu husi departemntu CSH nain 5, hafoin inan aman sira fila, estudante sira ba hare’e rasik iha kuadru avizu Ministeriu edukasaun nian estudante nain 66 maka la psasa no naran la iha, tanba ne’e halo konfuzaun no hasoru problema boot tebes iha ne’e,” Diretur ne’e hateten, sesta 15/12/23
Nune’e nia esplika iha eskola refere laos foin akontese problema hanesan ne’e maibe antes ne’e mos akontese ona ho problema ne’ebe hanesan
“Estudante Eskola Sekundaria Geral Fernando Lasama de Araujo, laos foin hasoru problema hanesan ne’e maibe’e iha tinan 2019 estudante nain 25 la passa iha ezame nasionál bainhira halo konfirmasaun ba edukasaun Nasionál reanunsiaasun fali konsege passa hotu,” nia hakotuk
Enkuantu total estudante ESGFLA tinan 2023 partisipa iha ezame nasionál total 427,husi estudante ne’e nain 66 la passa iha ezame nasionál kompostu husi departamentu CSH 5 no CT 61
STJ: Reny/Elzy
Editor : Lian orluli
