Lian Orluli – Labarik Kreativu nain 5 husi bairu Tan-qui Ainaro Vila kumu tahu sai Illas Meninu Jejus no Nain feto ho São José tau iha Prezepiu Fulan ba Dame Ainaro(PFBD) no Joven kreativo sira kuntribui konstrui Arvore ho produtu lokal hodi selebra Festa Natal Tinan 2023 iha Munisipiu Ainaro nune’e mos simu tinan foun 2024.
Material ne’ebé maka uza hodi konstrui, kuaze ho Matreal Lokal hanesan, Tua tahan, Aù no tali meta, ba sasan elektroniku maka lampu natal hodi infeita arvore no prezepiu refere
Jerònimo Rodrigues Ximenes reprejentante Joven no labarik kreativu sira hateten hetan referensia husi internet hodi dezenvolve material lokal sai ba arvore no prezepio inklui mos uza tahu kumu sai ilhas meninu Jejus, tanba harak promove material lokal, atu labele lakon iha futuru
Joven Kreativu, Jeronimo Rodriges
“Dezeiña pohon natal ami hamotuk nain 10 komposto husi Junior(labarik) nain 5 no Senior(Joven) nain 5, kria ideias no hanoin hamotuk konaba prepara Prezepio (arvore) iha Munisìpio Ainaro, tanba ne’e ami iha hanoin hakarak halo buat ne’ebé diferente, maibe’e uza material lokal, mak hanesan Tua-tahan , aù no tali-metan (Tua-metan), husi Joven Junior sira iha hanoin katak tahu ita bele buti sai hanesan ilhas são Josè, ilhas inan Virgen Maria no ilhas Nai Jesus Cristo, tanba hanesan Timor oan tenki promove kretaivu sira liu husi material lokal,” Reprenjentante Joven Ainaro, Jorónimo esplika hafoin Iansa Prezepiu husi Prezidente Autoridade, Terça ne’e (19/12/2023)
Jerónimo hatutan, Arvore no prezepiu simblu Fulan ba Dame ne’e presiza komunidade tomak iha Munisìpio Ainaro, atu iha konsiensia hodi tau matan, nune’e hodi selebra festa natal tinan 2023 ho felisidade no simu tinan foun 2024 ho Páz no dame
“ Hanesan Joven ha’u husu ba imi hotu nafatin iha konsiensia no tau matan ba iha Prezepio , ho nune’e ita bele selebra festa natal no tinan foun ho filisidade iha festa natal tinan 2023 no simu tinan foun 2024 iha Munisipio Ainaro ho páz no dame, tuir simblu Roman Domin no Roman Dame’’, Joven ne’e rekomenda
Haré ba Kreativu Labarik no Joven sira nian, ne’ebé nakonu ho voluntáriu fo kontribusaun konstrui Prezepiu fulan ba Dame Ainaro nian, Prezidente Autoridade Munisìpio Ainaro Leovirgildo Amarl Pereira Apresia, Joven Junior no Senior nain 10 ho kreativo tebes hodi Dezenvolve Material Lokal sai ba Arvore no ilhas santu, santa sira no diferente tebes ho Munisipiu sira seluk
“Árvore iha Munisìpio Ainaro uza material lokal konstrui husi Joven Junior no Senior kreativo hamotuk 10, mobiliza malu, lori talimetan halo sai hanesan kuda, Aù sai ba karosa santa Calus nian no tua tahan hodi halo Prezepio no arvore, inklui dezenvolve tahu sai hanesan Ilhas hodi tau iha Prezeipio, ida ne’e diferensia tebes ho Munisìpio sira seluk”, Prezidente Autoridade ne’e Apresia
Autoridade masimu ne’e apela ba Jofven sira nafatin mantein kriativo sira, no kontinua halo Arvore kada bairo no suku iha Munisìpio Ainaro,hodi dezemvolve kreativu sira liu husi produtu lokal
Enkuantu prosesu konstruaun fijikamente hahu iha loron 7 fulan ne’e no remata iha 18, lansa husi Prezidente Autoridade Munisipiu Ainaro, tersa feira horseik. Prosesu konstruksaun hetan apoiu Orsamento husi Administrasun Estatal Munisìpio Ainaro, MAPPF, BNCTL, emprezaria lokal Kompaiña Herly, no kelu-keke, ho orasmentu total dolar $ 1,330
STJ: Reny/Fina
Editor: Lian Orluli
