Lian Orluli— Administrasaun Munisipiu Ainaro liu husi Diresaun Jestaun Merkadu ho ekipa servisu Halo Prezepiu Fulan Dame iha Resinto Palko Haksolok Ainaro hodi festeza loron nátal no tinan foun 2023-2024
Tuir Diretór Jestaun Merkadu Clementino de Araujo esplika arvore nátal ne’ebe lansa ho total orsamentu dolar amerika rihun ida resin husi kontribuisaun emprejariu, kompaiñia, BNCTL inklui seluk iha Munisipiu Ainaro
“Relatoriu orsamento ba iha prepara Prezepiu no Arvore natal hetan Apoiu husi BNCTL ho Montante Osan dolar $ 50 , Administarsaun Estatal Munisipio Ainaro $ 500.00, Ministerio Agrikultura $ 20.00, Loza Kelu-keke $ 10, Kompainha Erly $ 600.00, no seluk tan, total osan hamotuk $ 1300.00″. Diretur Jestaun Mercado relata
Iha lansamentu ne’e Prezidente Autoridade Munisipiu Ainaro Leovigildo Amaral Pereira hateten, arvore nátal ne’ebe dau-daun ne’e lansa antes ne’e hetan orientasaun husi nasionál
“Administrasaun estatal hetan orientasaun husi Ministerio Administrasaun Estatal Nasional, katak kada Bairu-Bairu no suku tenki halo Prezepiu Natal ho tema Prezepiu Fulan Dame, no Ekipa sei tun hodi halo Avaliasaun ba Prezepiu ida-idak, ne’e mak halo ho material Lokal iha Munisipiu Ainaro“, dehan prezidente munisipiu ne’e
Ho nune’e prezidente munisipiu ne’e kongratula ekipa jestaun, tanba kumpri orientasaun, hodi halo arvore nátal ne’e hodi selebra loron natal no tinan foun
“Hato’o parabens ba iha Diretór jestaun Merkadu hodi halo tuir orientasaun ne’ebe mak ha’u fo hodi halo Prezepiu (Arvore), maske ho orsamentu ne’ebe nak Kiik ohin hodi halo lansamentu, tanba ita hare’e kada tinan-tinan sempre selebra loron natal hanesan sarani katolika nian “. Prezidente Munisipio Ainaro Leovigildo Amaral Pereira dehan iha lansamentu Arvore nátal, Palku Haksolok Munisipiu Ainaro, Tersa ne’e (19/12/2023)
Tuir Relatoriu, total orsamentu ba kompras material konstrusaun arvore to’o lansamentu hamutuk dolar amerikanu $ 1,300.00
Enkuantu partisipa ba Aktividade lansamentu arvore natal ne’e, Prezidente Munisipiu ho ekipa, Reprezentante Comandu PNTL Munisipio, Conseillu Veteranus, Diretores, Liñas Ministeriais, Funsionariu, inklui Joventude sira iha Munisipiu Ainaro
Jornalista: Sara/ Jeny
Editór: Lian Orluli
