Lian Orluli — Dau-daun ne’e iha Munisípiu Ainaro Prezidente Autoridade hamutuk ho relevante sira hala’o audensia no distribui formatu kontribuisaun ba serimónia inagurasaun monumentu Venâncio Ferraz
Prezidente Munisípiu Ainaro Leovagildo Amaral Pereira hateten liu husi enkotru atu partilla informasaun kona ba serimónia estatua saudozu Venâncio Ferraz iha edifisiu isntituisaun Polisía Militar iha nasional, hanesan Ainaro oan sente orgullu no sei halo kontribuisaun ba iha Inagurasaun monumentu ne’e
“Ami hanesan Ainaro oan sente orgullu tebes tanba ita nia heroi ne’ebe mak koiñesidu iha nasaun ida ne’e, tanba ne’e hau hanesan autoridade masimu iha responsabilidade atu partilla informasaun ba iha komunidade no diresaun hotu hotu katak, Venanciu Feraz ne’e ita hotu nian tanba ne’e serimoniu Inanurasaun Saudozo Venâncio Feraz ita iha direitu atu halo kontribuisaun no inagurasaun monomentu saudozo Venânciu Ferraz ne’e, sei hahu iha loron 17 fulan janeiru iha Intituisaun Polisia Militar iha Nasional,” Dehan Autoridade Ainaro ne’e
Fatin hanesan pontu fokal Administrasaun Munisípiu Ainaro, Manuel Ramos hatete distribui formatu relasaun ho kontribuisaun ba iha diresaun, atu alarga ba kargu xefia sira, hodi fo netik kuntribuisaun ruma tanba saudozu laos ema ida nian maibe’e hotu-hotu nian.
” Ami halo distribuisaun formatu nee atu alarga ba iha diretores sira inklui mos Veteranus sira husi postu haat atu halo kontribuisaun ba iha inagurasaun ita nia saudozu Venancio ferraz iha loron 17 fulan janeiru tinan 2024″ esplika Pontu Fokal Manuel Ramos iha ambitu reuniaun
Saudozu Venânciu Ramos Amaral Ferraz moris iha Munisipu Ainaro Hato-mera loron 28 fulan maiu 1947, husi lisan Beshunu, saudozu lakon Vida iha kombate, Abrigu neon metin iha Ainaro, Mau-ulu loron 30 fulan Janeiru 1991, husi militar indonezia (Kopasus)
Enkuantu atividade serimónial monumentu saudozu nian sei realiza iha loron 17 fulan Janeiru tinan 2024, iha kintal boot fatin Cuartel unidade polisia Militar
Jornalista : Jeny
Editór : Lian Orluli
