Lian Orluli — Tinan rua nulu resin ona komunidade suku Mauchiga foin asesu enerjia eletrisidade ne’ebé inagura ona husi Ministru Obras Públika, Samuel Marcal akompaña husi autoridade munisipiu Ainaro.
Projetu eletrifikasaun iha suku Mauciga ho distánsia kilo metru tolu ho ai-rin 168 ne’ebé ezekuta husi kompainha Se Mauahein unipesoal limitada deste tinan 2016, foin mak finaliza iha meadu fulan dezembru no hetan ona inagurasaun husi Ministru Obras Públiku Samuel Marçal ne’ebé akompaña husi Autoridade Munisipal no suku
Ministru Obras Públiku Samuel Marçal agradese ba komunidade Mauchiga ne’ebé ho pasesensia hodi hein tinan barak foin asesu enerjia eletrifikasaun
“Komunidade atus neen asesu ona eletrfikasauan hela komunidade atus rua ahi seidauk lakan tamba ne’e hau enkoraza prezidente EDTL.Ep nasional atu koordena nafatin ho kompainha Se Mauhein ho nia sub kontraktor Divita Fuell Unipesoal Limitada atu kontinua kanaliza enerjia ba uma kain atus rua iha aldeia goulora” Ministru Obras publiku Samuel Marçal, iha ambitu inagurasaun Eletrifikasaun Mauchiga. (26/12/23)
Nune’e iha fatin hanesan Autoridade munisípiu Ainaro Leovigildo Amaral Pereira hateten, agradese Nunu Governu ne’ebé fó atensaun ba kompaiña ikus mai Se Mauhein lda ho nia Sub Divita konsege finaliza projetu refere
“Durante tinan 20 Komunidade suku Mauchiga la asesu eletrifikasaun no hau agrdese ba Nunu Governu bele esforsu nune’e komunidade suku Mauchiga ohin asesu ona eletrifikasaun, nune’e husu ba Governu atu kontinua kanaliza bee moos ba komunidade no hadia infraestrutura báziku hanesan estrada hodi nune’e bele fasilita liu tan agrikultura sira nia produtu ba iha merkadu,” Prezidente Autoridade Munisipiu Ainaro ne’e rekomenda
Iha fatin hanesan Deputadu Oscar dé Araújo hanesan Ainaro oan sente kontente ohin loron suku Mauchiga bele asesu ona enerjia eletrfikasaun
“Hanesan Ainaro oan hau agrdese tebes, komunidade sira bele asesu ona eletrisidade, durante tinan barak sira ho pasiensia hein, ohin loron komunidade sira bele hetan ona roman husi eletrisidade”.Rprejentante povu iha uma fukun parlamentu ne’e agrdese
Nune’e Sub kontratór husi kompainha Divita Grup Fernando da Silva reprezenta kompainha Se Mau Hein Lda hateten, projetu eletrifikasaun ne’e ezekuta husi kompainha Se Mau-hein Lda ho montante orsamentu estadu 1.2 miloins.
“ Projetu ne’ebé finaliza ona hela Aldeia Goulora no Hatukeru ahi seidauk lakan, tamba ne’e mak Sub kontratu Divita Group aumenta adisional besi riin atus neen nulu resin ualu, maibé kontratu seidauk iha,” Sub kontrator husi kompainha Divita Grup Fernando da Silva reprezenta kompainha Se Mau hein Lda esplika
Enkuantu suku Mauchiga iha Aldeia Lima, aldeia ne’ebé asesu ona enerjia eletrifikasaun maka Leotelo ida no Leotelo rua, Aldeia Mauciga, hela aldeia Goulora no aldeia Hatu-kero ahi seidauk lakan maske kompainha Se Mau hein no Divita Grup tidin ona besi riin atus ida resin, maibé ahi seidauk lakan tamba seidauk iha kontratu ho EDTL.empreza públika
Jornalista : Jeny
Editor : Lian Orluli
