Lian Orluli – Iha Lansamentu ne’e Prezidente Autoridade Munisipio Ainaro Manuela Georgina Carmo Bucar Corte-real hateten husi ai-oan ne’ebè kuda atu bele konserva rai no bé iha Udumou tanba fatin ne’e sai hanesan turizmu
Prezidente ne’e mos haktuir dezenvolvimnetu atu lao diak, presija mós inisiativa husi komunidade atu konserva rai, bé no aihoris sira
“Primeiru lansamentu kuda ai-oan hau hakarak hala’o iha suku Mau-ulo, tanba ita hare’e rai mos komesa monu, tanba ita atu konserva natureza nia potensia sira presija inisiativa husi Komunidade, tanba governu mai atu fortifika grupu sira, liu-liu ba iha turizmu, kmersiu no industria, nune’e hau nafatin husu ba ita bo’ot sira tenki iha inisiativa hodi halo dezenvolvimentu ba iha potensia sira ne’ebe mak suku nee iha”, Dehan PAM depois de kuda Ai-oan iha Aldeia Aileu Mau-ulo Ainaro, Sexta nee, (08/03/2024)
Diretora Servisu Munisipal APPF Aguida Judit Mendonca informa Ai-oan ne’ebe diresaun agrikultura prepara hamolutuk 300 resin hodi halo reflorestasaun no konserva rai alende aihoris sei prepara mos fini aihan ba toos nain sira
“Husi Agrikultura prepara ai-oan 300 resin ba refloresta ho intensaun atu konserva Rai, no lagoa, no balun Oferese ba Agrikultor sira bele ba kuda iha imi nia toos no lutu sira, no ami mos iha fini hanesan foremongu, hare, Batar, Adubu orgániku hamate Pestis ami presija ita boot aira lori kartaun eletoral ba ami fo ba Ita boot Sira”. dehan Diretur APPF
Ligadu honatividade kuda ai oan ne’e Xefe suku Mau-ulo, Luís Valadares Colaco agradese ba PAM ho ekipa, tanba ba da‐huluk hakat suku Mau-ulo hodi hare’e direita ba potensia sira neebe iha no bele halo lansamentu ba kuda ai-oan iha suku refere” Agradese ba Prezidente Autoridade Munisipio Ainaro ho Ekipa Primeiro Vez hakat Maiiha suku Mau-ulo hodi kuda ai-oan, tanba suku nee ho nia potensia natural tanba ne’e mak ohin ita mai iha fatin ida ne’e bele hare’e direita maske klima la fo fatin”, xefe suku ne’e hakotu iha atividade kida ai-oan ne’e.
Total Ai-oan ne’ebé kuda hamutuk 300 ne’ebé prepara husi Agrikultura Ainaro
Enkuantu Aktividade ne’e Partisipa husi Prezidente Autoridade Munisipio Ainaro Manuela Georgina Carmo Bucar Corte-real ho nia rkipa, Diretor Agrikultura PNTL inklui mos Diretores Servisu Munisipais no Funsionario sira
Jornalista: Sarah
Editor : Lian Orluli
