Lian Orluli— Komisaun C Parlamentu Nasionál halo fiskalizasaun ba orsamentu anuál 2023 no 2024 iha munisípiu Ainaro iha loron ualu fulan maio tinan ne’e, la hetan esplikasaun klaru ba orsamentu retifikativu 2023, komisaun C Parlamentu Nasionál husu atu fo fila osan estadu.
Ba Lian Orluli, Prezidente Parlamento Nacionál komisaun C, Cedelizia Faria Dos Santos, hateten iha aprezentasaun orsamentu jerál munisípiu Ainaro nian la hetan esplikasaun klaru husi autoriade sira kona ba ejekusaun orsamentu Jerál estado tinan 2023 nian, ne’ebé nunu governu fáz Parte ona. Ho ne’e komisaun C hatete orsamento estadu nian wanhira ezekuta la-hotu tenki hatama fali ba kofre estadu
“Ami nia obejetivo ohin ami laos hare deit orsamentu jerál estadu 2024, maibe ami mos haré liu ba ejekusaun orsamentu jerál tinan 2023 ne’ebe nunu governu fáz parte ona, orsamento retifikativo husi tinan 2023 ami ladun hetan esplikasaun klaru, maibe ami rona barak liu orsamentu jerál estado 2024 to’o data ohin, ezekusaun atinji ona 28.21%, ami nota katak devidas balun ne’ebe mak iha mak EDTL ne’ebe mak sedauk tau osan hodi selu to agora, dividas ne’e mai ona iha 2021 maibe orsamento rasik sira sedauk hetan reseitas, Ainaro 2023 foin reseitas U$ 1000.00 deit, maibe tinan 2024 orsamento iha U$600,00 ezekuta ona 98%”, dehan Prezidente PN Komisaun C Cedelizia Faria hafoin remata fisklaizaun OJE Munisíoiu Ainaro, Kuarta (8/05/2024)
Prezidente Autoridade Munisípiu Ainaro, Manuela Georgina Carmo Bucar Corte-Real esplika liu ba aloka oramentu tinan 2024 munisipiu Ainaro nian ho montante $4.300.00, ne’ebé ho kategória maka hanesan Saláriu, bens servisu, kapitál dezemvolvimentu no transferensia públiku, atinje ona 28%, husi transferensia públiku atinje 48%.
“Orsamento ne’ebe aloka mai iha munisípiu Ainaro iha tinan 2024 ho montante U$ 4.300.00 ho kategória ha’at mak hanesan saláriu bensimento, bens do serviso, kapitál do dezenvolvimento no trasferensia Públiku ba ezekusaun agora daduk atinji ona 28%, husi trasferensia Públik atinji ona 48%, maibe salário bensimento ita labele kestiona, tamba ema nia direito kada fulan, bens de servisu balun liu ona husi aprozionamento, tenki liu prosesu tamba tuir regaras maka Proposta, avaliasaun, loke anunsiu públiku no iha semana rua kotuk ita foin assina kontrato ho empreza no balun oferese ona servisu, mai iha servisu Munisipais no empreza balun sedauk hatama sira nia pedidu pagamento nune’e sedauk mosu prosentu ezekusaun orsamento”. Dehan Prezidente Autoridade Munisípiu Ainaro Manuele Georgina Corte-Real
Nune’e Prezidente Autoridade Munisípiu Ainaro hatutan tan, iha orsamnetu merenda eskolar ho montante $500,00 milloens ne’ebé halo kontratu ba fulan liama nian
“Orsamento ba merenda eskolar ho montante U$ 500,00 Milhoes ba fulan lima tamba ne’e mak ita iha akordu ho Care Internacionál programa hatutan oferese merenda eskolár mai munisípiu Ainaro durante fulan Janeiro, Frebeiro, Marsu no Abril ho nune’e orsamento ne’ebe aloka mai governo ita sei aloka ba iha fulan maiu to iha setembro tinan 2024, maibe ita sei halo jestaun ida diak ba iha servisu munisipais ne’ebe mak ezekuta orsamento lahotu, nune’e ita bele oferese ba merenda eskolár bele to iha fulan outobro to dezembro tinan 2024”, PAM hakotu
Iha fiskalijasaun ne’e Partisipa husi Prezidente Parlamento Nacional Comisaun C, Cedelizia Faria Dos Santos, Presidente Autoridade Munispiu Ainaro, Manuela Georgina Carmo Bucar Corte-Real, Administrador Posto Ainaro Villa, Administrador Posto Hatu-Udu Directores Servisu Munisipais, Xefe Gabinete,Xefe Departamento, enkontro ne’e hala’o iha salaun VIP Administarasaun Munisípiu Ainaro.
Jornalista : Celita/Sara
Editór: Lian Orluli
