Lian Orluli— Administradór Postu Hato-bulico (APA), Aniceto Marques de Orleans, iha ambitu serimónia isár bandeira komemorasaun loron restuarasaun independensia hatete, atu hadia Postu Hato-bulico presiza hotu- hotu nia kolaborasaun no labele sai opojisaun, atensaun ba pontu hanesan unidade, estabilidade hodi kontribui ba dezenvolvimentu iha aspetu oi-oin.
“Ba ema hotu iha postu Hato-builico nian katak labele sai opozisaun ba malu liu husi idea no asaun, maibe tenke mai ho prinsípiu kolaborativu, hodi tau hanoin hamutuk atu dezenvolve rai ne’e ba oin, sura ho ita hotu hamutuk mak bele forte Intelektuál, no akademista, lideransa estadu, lideransa igreja, postu ne’e nian, mai ita konversa ka dialogu atu konstrui ideas ne’ebé mak sai konstrutivu hodi bele implementa ba futuru ida Brilhante. Apela ba Publiku katak tempu tuir mai rotasaun komemoraloron nasional hanesan 20 de maiu ohin ita liu ona, tuir mai 20 de agosto, 30 agostu, 28 novembru iha nivel postu nian, signifika katak sei halo rotasaun iha Suku ida-idak tan na ne’e presija ita nia komitmentu seriedade ba oin”, Administradór Postu Hato-bulico, Aniceto Marques de Orleans, iha ambitu serimonia isár bandeira komemorasaun loron restuarasaun independensia ba dala rua iha Postu Hato-bulico
Autoridade Postu ne’e hatutan, tempu besik lideransa sira sei tun direta iha baze hodi fahe sirkulasau eviksaun nian, nune’e mos alerta ba komunidade katak SEATOU sei halo kontrolu ba Munisipiu Ainaro no sei to’o ba komunidade postu Hato-builico, hodi hare’e komunidade ne’ebe okupa espasu publiku ne’ebe hari uma besik estrada ibun
“Apela ba komunidade iha postu Hatu-builico, katak iha tempu besik lideransa sira tun ba baze atu fahe imformasaun kona ba sirkular eviksaun nian no mos kona sirkular labele husik animal iha espasu públiku, relasiona ho sirkular eviksaun nian atu fo hatene ba komunidade sira ne’ebé mak okupa espasu públiku no harí uma besik estrada ninin nian, objetivu husi desiminisaun ne’e atu fo hatene ba komunidade sira karik iha tempu oin mai Secretário de Estado dos Assuntu Toponímia e organização Urbana( SEATOU) sei halo kontrolu mai iha ita nia postu, no munisípiu liu-liu area ne’ebe okupadu iha espasu estadu nian no hela besik liu estrada protokolu, iha sorin seluk atu fo hatene ba komunidade sira atu labele husik animal livre iha espasu públiku hanesan, edifisiu, igreja, no estrada ninin, tamba ne’e husik animal livre la kria ambiente ne’ebé komfotavel no mos fo ameasa ba ema nia vida liu-liu asidente, husi desiminasaun ne’e atu komunidade bele rona no hatene uluk imformasaun hafoin iha tempu tuir mai bele ezkuta ordem ho seriedade ba komunidade ne’ebé kontra lei no sirkular estadu nian”, tenik administrador postu Hatu-Builico
Iha ambitu komemorasaun loron nasionál, iha postu Hatu-Builico, Munisípiu Ainaro, serimónia ne’eprezensa husi Administrador postu, Amo Paroco Hatu-Builico, Inan Aman Veteranu/a, PNTL, Lideransa Komunitáriu Suku no aldeia, funsionáriu liña ministerias destakadu, hamutuk no komunidade sira .
Enkuantu Iha serimónia ne’e Administrador Postu Hato-bulico,sai nu’udar inspektur ba serimónia, nivél postu hodi lé diskursu Prezidente Repúblika RDTL nia. Hafoin isár Bandeira Administrador, Amo Paroco, Inan Aman Veteranu/a,PNTL, Lideransa Komunitáriu Suku no aldeia, funsionariu no entidade sira hotu hamutuk ho komunidade lori aifunan ba kari iha monumentu istoria ne’ebe hari iha Postu nu’udar simbolu dignifika heroi no martir sira hotu.
Kontributór : Abel Araújo Ber-Ubu
Editor : Lian Orluli
