Lian Orluli— Eis edifisiu Komando Distrik Militer (KODIM) 1633 Ainaro nakfilak ona ba edifisiu Conseillo Comabatentes Libertasaun Munisipál Ainaro(CCLM)
Ministru Assuntus kombatentes libertasaun nasionál Gil da Costa Monteiro (Oan Soru) hateten, iha tempu okupasaun forsa armada indonezia sira konstrui edifisiu komandu distrik militer (KODIM)1633 ne’ebé lokaliza iha Ainaro villa, hodi halo kontrolu iha tritóriu Ainaro
“ Fatin ne’e halo uluk Militar Indonesia sira uja hanesan KODIM hodi halo detensaun bá Timor oan sira ne’ebé luta ba libertasaun ba ukun rasik a’an iha edifisiu kodim 1633 Ainaro, tamba ne’e to’o ona tempu edifisiu ne’e transforma ba eskritóriu konselhu kombatentes libertasaun munisipál Ainaro hodi sai uma mahon ba veteranus kombatentes sira iha Ainaro”, Ministro Assuntu kombatentes Libertasaun Nasionál Gil Oan Soru, hatete iha ambitu inagura edifisiu CCLM Ainaro, Sesta (31/05/24)
Prezidente konselhu kombatentes libertasaun munisípiu Ainaro Júlio da Conceição (Loro Mesak) hatutan, antes ne’e utuliza ekritóriu assosiasaun veteranus Ainaro hodi hala’o servisu, maibé dadaun ne’e, iha ona eskritóriu konselhu veteranus no salaun ida hanaran Bunaria, hodi atende Veterano sira
“Sente Orguilho tanba munisipiu Ainaro iha ona edifiu CCLM nune’e hodi atende maluk vetranos sira iha munisipiu Ainaro, durantene’e CCLM utiliza hela eskritóriu asosiasaun veterano hodi halo servisu, no iha tan salaun ida naran Bunaria, nune’e hodi atende maluk vetranos sira”, dehan Prezidente Konceillo Kombatentes Libertasaun Munisipál Ainaro, Julio Loro Mesak
Fatin Hanesan Prezidente Autoridade Munisípiu Ainaro Manuela Georgina Carmo Bucar Corte-Real hateten, ho inagurasaun eskritóriu konselhu veteranus munisipiu Ainaro refleta prinsipiu fundamental estadu, iha ámbitu valorizasaun veteranus sira nian
“Inugura Edifisiu eskritório ne’e hodi refleta mai ita prinsipiu fundamental estadu, iha ambitu valorizasaun veteranos sira nian”, Prezidente Autoridade munisípiu Ainaro Manuela Georgina Bucar Corte-Real, dehan
Enkuantu orsamentu rehabilitasaun ba edifisiu ne’e hamutuk rihun sanulu resin haat, hodi troka kalen tuan ne’ebé furuzun ona. Edifisiu ne’e iha sala servisu haat, salaun ida ho fasilidade sanitaria.
Entertantu tuir dadus konselhu veteranus Ainaro rejista totál martires hamutuk rihun rua atus lima, no veteranus ne’ebé moris rihun tolu.
Edifisiu ne’e hetan ona inagurasaun husi Ministru Assuntus Kombatentes Libertasaun Nasionál Gil da Costa Monteiro (Oan Soru), hafoin termina rehabilitasaun iha fulan kotuk.
Jornalista: Lian Orluli
Editor : Lian Orluli
