Lian Orluli -Timor-Leste selebra aniversáriu loron konsulta populár ba da-25 ne’ebe hala’o iha Timor-Leste laran tomak ho prezensa husi membru governu iha kada postu administrativu no nasionál, momentu desizivu loron istóriku ida-ne’ebe fundamenta istória Timor-Leste nian.
Ministru Asuntu Kombatente Libertasaun Nasionál, sigla Portugés MACLN, Gil da Costa Monteiro “Oan Soru” iha selebrasaun aniversariu konsulta popular 30 agostu ba dala 25 iha Ainaro hateten Povu mak Heroi ba ukun rasik a’an
“povu nia determinasaun no korajen tomak ne’ebe hatudu ona iha tinan 24 nia laran , sai husi uma ba tu’u iha urnas nune’e hodi ba duni militar okupantes sira ho pregu, loron 30 fulan agustu, loron povu maubere nian ba jerasaun foun ha’u husu keta haluhan ida ne’e, reflesaun povu mak funu povu mak terus, povu mak manan funu, povu mak heroi bo’ot ba ukun rasik a’an, “. Dehan Oan Soru.
Alende ne’e Prezidente Autoridade Munisipiu Ainaro Manuela Georgina Carmo Bucar Corte-real mos subliña populasaun kuaze 80mil mak transforma sai makina konstrusaun no Forsa super-potensial hodi modifika Ainaro sai
Furak ho deit pregu nia forsa
“Tranforma pregu sai forsa superpotensia hodi manan nasaun RDTL, hau ata mos konfia katak populasaun 80 mil iha Munisipiu Ainaro ne’e bele mos transforma sai makina konstrusaun no Forsa super-potensial ne’ebe bele uza hodi modifika no transforma Ainaro sai nabilan, Bonita, Matak, buras, bokur no kaber “.dehan PAM iha Selebrasaun konsulta.
Enkuantu iha Selebrasaun Loron konsulta popular 30 de Agostu iha Munisipio Ainaro Partisipa husi governate balun autoridade lokal, kargu dirijente sira, sosiedade sivil, organizasaun sira, funsionariu inklui povu Ainaro
Jornalista : Sara Lewis
Editor: Lian Orluli