Lian Orluli — Postu Saúde Maulahulu kondisaun Grave difikulta Pesoal Saúde fo asistensia ba Pasiénte bainhira tempu udan no anin boot.
Responsavel Postu Saúde Maulahulu Alianca Ximenes da Conçeão informa, postu Saúde refere la seguru no ameasa ba vida bainhira iha tempu udan no anin boot tanba kondisaun paredi dodok ona
” Kondisaun Postu Saúde ne’ebé fornese asistensia saúde ba komunidade fó ameasa ba vida tanba uma nia kondisaun dodok no nakfera inklui plafon atu monu “ dehan Responsavel postu Saúde Maulahulu Alianca.
Kmunidade, Florindo husi Aldeia Manumera hatete, Postu Saúde Maulahulu konstrui iha tempu okupasaun Indonésia tanba ne’e governu presiza hadia tanba kondisaun grave ona.
“ Durante ne’e komunidade sira husi Aldeia rua maka asesu ba fasilidade saúde ne’e, maibé kondisaun postu saúde a’at ona tanba konstrui iha tempu okupasaun Indonézia nian”, Dehan Florindo
Pasiente, Francisca da Conseicaohusu Governu konstrui fasilidade foun nune’e bele atende Pasiente sira ho di’ak liuliu ba inan isin rua
” Husu ba governu presiza hala’o konstrusaun foun postu Saúde Maulahulu nune’e bele atende Pasiente sira ho di’ak, liuliu ba inan isin rua sira, haree Postu Saúde ne’e ameasa ba vida durante ne’e inan isin rua sira ne’ebé partu Pesoal Saúde halo atendementu iha uma de’it” Francisca rekomenda
Postu saúde Maulahulu lokaliza iha Postu administrativu Hatobuilico, atendementu ba komunidade husi Aldeia rua, ho totál populasaun hamutuk rihun ida atus ida haat nulu resin tolu.
Kontribuitor: Racom Maubisse Mauloko
Editor: Lian Orluli
