Lian Orluli-Prezidente Autoridade Munisípiu Ainaro, Manuela Georgina Carmo Bukar corte-real Hateten, Ainaro nakonu ho fatin turizmu laos deit foho maibé iha mos Lagoa inklui mota ne’ebé ho nia beleza atraente
Tanba ne’e Georgina promete, iha nia mandatu sei promove riku so’in hirak ne’ebé hanesan títius turístiku sira atu bele hakbesik turísta sira hodi hare’e no senti Ainaro nia furak no fresku durante vizita.
Autoridade másimu ne’e hato’o lia hirak ne’e hafoin partisipa iha festival Raiblau Maubisse sesta ne’e.
“Ainaro riku tebes ho sítius turizmu, fatin furak Ramelau, Rabilau maibé la’os de’it foho maibe ami mós iha Lagoa, ami “welcome” ita bo’ot sira bele ba hare’e ami nia fatin Bikantidi iha fauna oioin ne’ebe lokaliza iha postu Adminstrativu Hatu-Udo, no iha mós mota Kaskata, mesak furak tebe-tebes maibe iha ha’u nia mandatu importante tebe-tebes tenki esplora, promove rikusoin ne’ebe mak Ainaro iha la’os de’it agrikultura no la’os de’it kafé sítius turizmu sira para bele atrai ita nia turístikus sira husi estranjeirus no turístikus doméstika sira bele mai, apresia malirin ainaro nian no fresku ainaro nian no beleza ainaro nian” dehan PAM Ainaro iha Inagurasaun ne’e
Bainhira partsipa iha festival Rabilau Maubisse, Autoridade prìnsipal ne’e mós dehan ba futuru sei kontinua organiza Rabilau sai diak liu tan ba ema hotu, nune’e nia parte apresia beleza Rabilau Maubisse tanba hakbesik ona ema lubuk nia prezensa
“Ami agradese tebes beleza sira ne’e ita tenki esplora no promove, atividade ida né ita atu promove Rabilau sai hánesan sítiu de turístikus Rabilau ita bele hetan turizmu Relijiozu no kultural beleza ne’ebé natureza fo mai ita, ba fururu ami sei kontinua organiza diák liu tán liu husi Klub ne’ebé iha nanis tia ona para bele nafatin promove Rabilau hánesan sítikus turizmu diák ida ba se deit bele mai apresia bele mos hola anin fresku beleza Rabilau nian.“Autoridade ne’e hatutan.
Alende apresiasaun husi Autoridade Masimu Ainaro, joventude Etelvinho cardozo Magno komunidade Postu Hato-Builico nia parte mós apresia ho festival ne’e no Rabilau furak atraente ba vizitor sira, tan ne’e ia rekomenda atu kopera ho parte hotu atu kuída no mantein mo’os ba fatin refere
“Hau senti orguillu no konteten tebes ho eventu ida ne’e nu’udar Ainaro oan, tuir observasaun iha tinan kotuk liu ba hau hare’e seidauk akontese hanesan ne’e, maibe ho nia tema dehan festival kultura atu fanu joventude jerasaun foun sira nafatin kaer metin ita nia kultura, ho ida ne’e hau konteten tanba ita nia identidade rasik mak kultura, pesoalmente ba hau karik belun familia sira ne’ebe mak hakarak mai pasa ferias ou refresing atu senti beleza ida ne’e nia furak, no ba futuru parseiru hakarak mai visita fatin ida ne’e livremente hau bele lori mai ita hakarak atrai turísta sira mai vizita fatin turizmu ida ne’e ita hotu tenki hadomi ambiente no mantein fatin ne’e mos no furak liu tan iha futuru, ita nu’udar komunidade nafatin kopera ho parte governu no relijioju ho nune’e bele mantein nafatin no kuidadu ita nia fatin ne’e bele atrai tan turísta husi internasional sira”, dehan Komunidade ne’e.
Entertantu eventu Festival Rabilau ne’e, partisipasaun husi 13 musípius, inklui turísta internasionál balu.
Jornalista :Elzy,Fina.
Editor: Lian Orluli
