Lian Orlul – Bazea ba submisaun pedidu husi PNTL Ainaro ba DNTT, dau-daun ne’e iha Ainaro prosesu halao teste karta kondusaun kontinua lao to’o 24/10/2024
Sarjentu Xefe Polísia Tranzitu, Marito da Costa Coelho, hatete bazeia ba Atividades pasa revista, tranzitu Munisípiu Ainaro hetan motorista barak mak la iha karta kondisaun nomos liu prazu
“Teste karta Kondusaun ne’e bazeia ba Atividade pasa revista ne’ebé tránjitu Munisípiu Ainaro hetan motorista barak liu mak laiha karta Kondusaun, tanba ne’e komandu PNTL Munisípiu Ainaro liu husi tranjitu ni seguransa Rodaviáriu nian halo pedidu ba iha DNTT atu mai loke teste ida ne’e ba komunidade Munisípiu Ainaro antes halo uluk formasaun ba kandidatura sira durante loron rua husi 14-15 /10/2024, nune’e sira bele kompriende kona-ba kondúz veíkulu ho seguru iha dalan públiku no hatene mos kona-ba lei kondúz kodigu estrada nian, iha teste karta Kondusaun ne’e realiza iha 14-24/10/2024″, dehan komandu ne’e.
Enkuantu, alende teste karta kondusaun sei renova inspeksaun no mos karta kondusaun ne’ebé liu ona prazu.
Jornalista: Pedrolina Da Costa.
Edito: Lian Orluli
