Lian Orluli – Diamentina Soares hamutuk ho nia Grupu moderniza akua Gelas ba ekipamentus modernu mak hanesan Biti, Bote, Luhu iha Munisípiu Dili.
“Tanba ne’e ita hare fila fali ba kotuk tempu avo sira nian ,sira uza boro hodi transforma sai hanesan Biti, Luhu, inklui mós buat seluk, maibé ami nia grupo agora dadaun iha modernu etwn ami lori agua Gelas nia ibun hodi mobililiza sai modernu ho nune’e mak ami uza hodi transforma sai hanesan Bikan, Luhu, Pasta, Biti, bote,tau manu fulun sai ba modernu, inklui buat seluk ne’ebé mak ema bele uza“.dehan Vendedora Dementinan Soares iha Festival Rabilau Sexta Feira (18/10/2024).
Dementina hatutan, moderniza akua Gelas ne’e ami bele halo hanesan bikan no Luhu loron ami halo 6, maibé bote no biti loron ida ami halo ida de’it.
” Iha grupu ne’e mesak estudante deit ,no agua sira ne’ebé mak ami uza balun, ami hili iha lixu fatin, hodi mai fase halo mós, loron ida kua nia ibun tau hamutuk, hafoin hili fila fali, nune’e balun hili , no balun Kesi dadauk, balun suku, buat ne’ebé mak ami uza mak hanesan tudik, kateri, akua Gelas, tali. Tanba ne’e loron ida ami halo luhu bele ha’at, maibé bote loron ida halo ida de’it, tanba hadulas dala ida iha akua Gelas ne’e tenki 100, bikan ida ami faan $2.00, Bote $15.00, manu fulun $7.00, ami senti kontenti tanba ami fan iha festival ne’e hahú iha loron tersa mai to’o iha ohin loron Sexta ne’e sosa hamutuk 7, osan ne’ebé mak ami fa’an ema sosa lori ba hatama hamutuk hafoin balun fahe no balun tau iha Cas grupu nian nune’e hodi sosa fila fali sasán ne’ebé mak grupu presija”.haktuir Diamentina
Diamentina husu ba Ministerio Comercio Industria karik iha Atividade festival bele konvida sira atu nune’e sira mós bele lori sira nia produtu ba fa’an iha festival ne’e
“Ami hetan konvite husi Ministerio sira entaun ami lori ami nia produtu ba fa’an , tanba ne’e ami husu ba Ministerio Comercio no industria karik iha tan Festival atu bele konvida ami nune’e ami bele lori ami nia produtu”. Dehan nia
Iha Grupu ne’e Diamentina Soares ho nia kaben Luís da Silva Amaral mak hanesan Koordenador ba Grupo sira nain rua iha oan nain 6 feto 3 no mane 3, agora dadaun oan primeiru eskola iha Universidade UNTL, Segundu Eskola sekundaria,no balu seluk sei iha Primaria no Pre-sekundaria.
Jornalista : Sara Lewis
Editor : Lian Orluli
