Lian Orluli – Ministériu Interior Sesta ne’e liu husi Gabinete Planeamentu Estratéjiku, Helder Soares konvoka surumutu ho entidade relevante sira iha Ainaro
Iha Surumutu refere, Diretor ne’e esplika, Ministériu Interior sei konsulta ho entidade hotu atu rekoilla informasaun hoti ajuda Re-ajusta planu estratéjiku seguransa interna hodi garante liberdade ba povu iha futuru
” Workshop Realinhamentu planu Estratéjiku seguransa interna longo prazu ba 15 Anos, iha 2025 ate 2040, Ministériu Interiór nia papel mak Timor-Leste moris hakmatek ona, iha liberdade tomak ba iha nia rai, tanba ne’e mak ministeriu Interiór iha dever tomak atu halo konsulta ba iha intidade hotu-hotu, liu-liu iha Munisípiu atu rekoilla Informasaun hodi ajuda ba iha seguransa interna, ba iha 2040 nian, maibé Workshop ne’e ami hahú iha 2023, hala’o iha Liquica postu Administrativu Maubara no tarjetu ba iha Autoridade formasaun durante loron rua, tanba ne’e sei iha nafatin toma responsavel Ministériu Interiór maibé informasaun ne’e ami sei foti husi altu deit, entaun ami halo hahú husi komandante Eskuadra, OPS, Tránjiitu, ba seguransa sivil Bonbeirus, no ba tinan ida ne’e ami halo ona koordenasaun entre liñas ministerial entre Interior ho estatal ho nune’e mak partisipa ,Administradór postu, tanba seguransa ne’e lá’os ba PNTL de’it maibé ba ema hotu-hotu KRAM, tantu labarik ema katuas joven mak sai nain ba seguransa ne’e tanba presija ita hotu nia kolaborasaun hodi hala’o seguransa labele hein PNTL”. dehan Diretor Nasionál Gabinete Planeamentu Estratéjiku Elder Soares iha sala enkontru Autoridade Munisípiu Ainaro, Sexta ne’e, (25/10/2024).
Ho ida ne’e Segundu Komandante PNTL Munisípiu Ainaro Elio de Deus Subliña liu husi ida ne’e hodi hametin koperasaun iha parte seguransa, nia mós rekorda tanba munisípiu Ainaro situasaun balu fo inpaktu ba segiransa
“Ha’u fiar katak ba oin ita sei servisu hamutuk iha Koordenasaun no koperasaun iha servisu hotu-hotu ne’ebé mak di’ak liu tan tanba , Workhop ida ne’e importante tebes-tebes ligadu ho kestaun seguransa ninian, tanba Munisípiu Ainaro iha tinan ida ne’e mosu konfrontu balun ne’ebé maka ladún grave maibé impaktu oituan ba iha parte seguransa maibé la minimiza hodi impedementu ba iha komunidade sira, tanba iha Koordenasaun servisu ne’ebé mak di’ak husi entidades hotu-hotu, liu-liu husi autoridade lokal sira, OPS, ita espera katak servisu ne’ebé mak durante ne’e lao labele para ho ida ne’e, ida ne’ebé di’ak kontinua hodi mellora di’ak liu tan ba iha futuru, Atu alerta mós situasaun iha Munisípiu Ainaro durante ne’e la’o di’ak maibé asidente mak a’as tanba faktor umanu, bele mós kondisaun, tuir dalan ne’ebé mak ita iha, no ligasaun tópiku ne’ebé mak ita iha, liga ba konsultasaun ita atu halo alinamentu fila fali”. Dehan segundu komandante ne’e.
Tanba ne’e Prezidente Autoridade Munisípiu Ainaro Manuela Georgina Carmo Bucar Corte-real enkoraja inan-aman sira atu bolu atensaun ba oan liu-liu joven sira, seguransa laos PNTL deit maibe hotu-hotu kontribui ba dezenvolvementu
“Ohin ita hamotuk iha ne’e tanba Konsultasaun ne’e importante tebe-tebes, tanba sempre hakilar seguransa ne’e ba PNTL, tanba ne’e aprejentasaun ne’e sei nakloke ba ita hotu, no ita tenki kontribui, fó hanoin di’ak liu ba Ainaro, no Timor-Leste, tanba durante fulan ne’e hau iha ne’e seguransa ne’e implikasaun bo’ot tebes, ba iha movimentu, impata ema nia atividade ekonómia, sosial, ne’e seguransa, no seguransa la’ós hare’e de’it ba polisia sira, ita mós tenki kontribui, hanesan inan aman sama atensaun ba ita nia oan sira nune’e sira nia hahalok hanesan sidadaun ida no Joven ida no estudante ida, Ita hanesan Autoridade papel ita nian ne’e bot tebes oinsá mak atu hakbesik a’an ba komunidade, tanba seguransa ne’e iha ita nia liman, hakarak dezenvolve ita nia rai, ita mak tenki kria páz, estabilidade, nune’e atividade hotu bele la’o, ita hakarak moris di’ak kuandu seguransa la iha lalika hanoin katak, atu moris di’ak tanba moris di’ak ne’e liu husi atividade Socsal ekonomia”, Autoridade ne’e enkoraja.
Surumutuk ne’e atu rekoilla informasaun hodi ajuda re-aliñea planu estratéjiku ministeriu interior nia ba futuru
Jornalista: Sara Lewis
Editor: Lian Orluli
