Lian Orluli – Sesta Feira ne’e Prezidente Autoridade Munisípiu Ainaro realiza Enkontru ho Diretores Servisu Munisipál hodi ko’alia kona ba Portál Munisípal ne’ebé durante ne’e la asesu relatoriu servisu Diretores Munisipál nian.
Lideransa Masimu ne’e husu Diretores Servisu Munisipál kontinua servisu iha loron Sabadu no domingu hodi aselera relatóriu nune’e bele públika iha Portál Munisípiu nian
“Husu ba Diretor servisu Munisípal sira atu loron sabado no Domingo kontinua servisu nune’e iha loron Segunda bele aselera Relatorio ne’e, nune’e iha loron Segunda feira Responsabilidade ba Portal Munisípiu lori tun ba Nasionál nune’e bele updet ba iha Portal Munisípiu, liu-liu ba Agrikultura, Obras públiku, Edukasaun, Jestaun Merkadu e Turismu, Saúde , ONG, Logistica, inklui mós Diresaun sira seluk“, Dehan Prezidente Autoridade Munisípiu Ainaro
nune’e nia hatutan tan, parte diresaun Fiskalizasaun atu fijkalijasaun servisu sira tuir diresaun sira ne’ebé tuir dekretu lei funsaun publiku nomeru 84 nia orientasaun
“Husu ba fijkalizasaun atu halo fijkalizasaun tuir diresaun sira bazeia ba dekreitu lei 84 nia orientasaun, la presija hein orientasaun husi Prezidente Autoridade Munisípiu“, Dehan PAM
Entretantu iha reuniaun prezidi husi Prezidente Autoridade Munisípiu Ainaro, Manuela Georgina Carmo Bucar Corte-Real, Akompaña Sekretáriu Munisípal Administrasaun e Financas Ruivo Barros Magno, Sekretáriu Assunto Sociais e Organizasaun Agostinho Doutel Sarmento. Partisipa Masimu husi Diretores Servisu Munisípal iha salaun enkontru administrasaun
Jornalista: Sarah
Editor : Lian Orluli
